🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐓𝐇𝐀𝐍𝐊𝐀𝐌 (𝟐𝟎𝟐𝟑- 𝐌𝐚𝐥𝐚𝐲𝐚𝐥𝐚𝐦) 𝐈𝐌𝐃𝐛 𝟖.𝟖/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟖/𝟏𝟎 കേരളത്തിന്റെ ഗോൾഡ് ക്യാപിറ്റൽ എന്നറിയപ്പെടുന്ന തൃശ്ശൂരിലെ, സ്വർണത്തിന്റെ മഞ്ഞളിപ്പൊന്നും ജീവിതത്തിൽ കൊണ്ടുവരാൻ സാധിക്കാതെ പോയ രണ്ടു യുവാക്കളാണ് മുത്ത് (ബിജു മേനോൻ) എന്ന സ്വർണപ്പണിക്കാരനും കണ്ണൻ (വിനീത് ശ്രീനിവാസൻ) എന്ന ഏജന്റും. മുത്ത് തയ്യാറാക്കുന്ന ആഭരങ്ങൾ കോയമ്പത്തൂർ മുതൽ മുംബൈ വരെയുള്ള റൂട്ടുകളിലെ സ്വർണ്ണക്കടകളിൽ കൊടുക്കുകയും പകരം അവിടെ നിന്ന് തങ്കം വാങ്ങുകയും ചെയുന്ന സ്വർണ കച്ചവടത്തിലെ ഏറ്റവും താഴെ തട്ടിലുള്ളവരാണ് ഇവർ. ഒരു ദിവസം ഇവർ രണ്ടു പേരും ഒരു സുഹൃത്തിനൊപ്പം പതിവ് റൂട്ടിൽ കോയമ്പത്തൂർ പോകുകയും അവിടെ നിന്ന് മറ്റൊരു സ്ഥലത്തേക്ക് പോയ കണ്ണനെ പോലീസ് പിടിക്കുകയും ചെയ്യുന്നു. പക്ഷെ കയ്യിലുള്ള ആഭരങ്ങൾ സുരക്ഷിതമാക്കി മാറ്റിയിരുന്ന കണ്ണനെ പിറ്റേ ദിവസം സുഹൃത്തുക്കളോടൊപ്പം പോലീസ് വെറുതെ വിട്ടു. അടുത്ത ദിവസം മുംബൈക്ക് പോയ കണ്ണനെ കുറച്ച ദിവസങ്ങൾ ആയിട്ടും ബന്ധപ്പെടാൻ സാധിക്കാതെ വന്ന സുഹൃത്തുക്കളും കുടുംബാംഗങ്ങളും പോലീസിൽ പരാതിപ്പെടുന്നു. അമാനുഷികതകളൊന്നിമില്ലാതെ, എന്നാൽ അതിശക്തമായ ഒരു ഇന്റർവെൽ പഞ്ചുമായി ആദ്യപകുതി അവസാനിക്കുമ്പോൾ ആകാംക്ഷ കാരണം സീറ്റിൽനിന്ന് എഴുന്നേൽക്കാൻ കഴിയില്ല. അത്രയും നേരം പതിഞ്ഞ താളത്തിൽ പോയിക്കൊണ്ടിരുന്നു സിനിമ ത്രില്ലർ പരിവേഷമണിയുന്നത് അവിടെ നിന്നായിരുന്നു. ഗിരീഷ് കുൽകർണിയെന്ന നടൻ ആദ്യാവസാനം തിമിർത്താടുകയാണ്. കാണികളെ ഒപ്പംകൂട്ടിയുള്ള അന്വേഷണയാത്രയിൽ ബിജു മേനോന്റെ മുത്തു ഗിരീഷ് കുൽകർണിക്കൊപ്പം കൊണ്ടുംകൊടുത്തും ത്രില്ലടിപ്പിക്കുന്നുണ്ട്. പതിവ്‌ ത്രില്ലറുകൾ പോലെ വലിയ രീതിയിൽ ട്വിസ്റ്റും സസ്‌പെൻസും തീർക്കുന്ന സ്ഥിരം ആഖ്യാനശൈലിയെ അപ്പാടെ ഉപേക്ഷിച്ച കഥപറച്ചിലാണ്‌ തങ്കത്തിന്റേത്‌. ശ്യാം പുഷ്‌കരന്റെ അടിയുറച്ച തിരക്കഥയുടെയും വിനീത് ശ്രീനിവാസന്റെ അഭിനയമികവും സിനിമ കഴിഞ്ഞാലും നമ്മുടെ ഉള്ളിൽ തങ്ങിനിൽക്കും വിധത്തിലാണ് സംവിധായകൻ ഷഹീദ് തങ്കം ഒരുക്കിയിരിക്കുന്നത്. കഴിഞ്ഞ വർഷം അഭിനയം കൊണ്ട്‌ ഞെട്ടിച്ച ഒരാളാണ്‌ വിനീത്‌ ശ്രീനിവാസൻ. നന്മ നിറഞ്ഞ കഥാപാത്രങ്ങളിൽ നിന്ന്‌ ചുവടു മാറ്റിയ നടൻ എന്ന നിലയിൽ വിനീത്‌ വിവിധ അടരുകളുള്ള കഥാപാത്രത്തെ കൈയ്യടക്കത്തോടെ അവതരിപ്പിക്കാനുള്ള മികവ്‌ വിനീത്‌ കണ്ണനിലും തുടരുകയാണ്‌. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #Thankam #thankammovie #vineethsreenivasan #bijumenon #Nthankamreview #thankammoviereview #moviereviews #SyamPushkaran #malayalammoviereview #MalayalamEntertainer #newmalayalammovie #canadianmalayali #newmovie #malayalisnearme #malayalisnearmeapp #mnm #review