🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐊𝐚𝐚𝐭𝐡𝐚𝐥 𝐭𝐡𝐞 𝐜𝐨𝐫𝐞 (𝟐𝟎𝟐𝟑- 𝐌𝐚𝐥𝐚𝐲𝐚𝐥𝐚𝐦) 𝐈𝐌𝐃𝐛 𝟖.𝟐/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟖/𝟏𝟎 മാത്യു ദേവസ്സിയെ നിർബന്ധിച്ചാണ് പാർട്ടി തീക്കോയിലെ ഇടതുപക്ഷ സ്വതന്ത്ര സ്ഥാനാർത്ഥിയാക്കിയത്. എന്നാൽ പ്രചാരണം തുടങ്ങുംമുൻപാണ് ആ ഗ്രാമം ഞെട്ടുന്ന വാർത്ത വന്നത്. മാത്യുവിന്റെ ഭാര്യ വിവാഹ മോചനത്തിന് അപേക്ഷ കൊടുത്തുന്നു എന്നതിലുപരി അതിന്റെ കാരണമാണ് എല്ലാവരുടെയും ചർച്ചക്ക് കാരണമായത്. പള്ളിയിൽ വിവാദമായപ്പോൾ എതിർപാർട്ടിക്കാർ അത് ഒരു പ്രചാരണ ആയുധമാക്കി, എന്നാൽ അയാളുടെ പുരോഗമന പ്രസ്ഥാനം അയാളെ പിന്തുണച്ചതുമാത്രമല്ല ഈ ഒരു സ്ഥാനാർത്ഥിത്വത്തെ അവർ ഉയർത്തിപ്പിടിച്ചു. നിലവിലെ എല്ലാ സമവാക്യങ്ങളും തകർത്തിരിക്കുകയാണ് മമ്മൂക്ക. ഇതുപോലൊരു കഥാപാത്രം തിരഞ്ഞെടുക്കുന്നത് തന്നെ ഒരു ബെഞ്ച് മാർക്കാണ്, ഇത്തരമൊരു ചിത്രം നിർമ്മിച്ചു എന്നത് മറ്റൊന്നും. കയ്യടി അർഹിക്കുന്ന പ്രകടനം. മമ്മൂട്ടിയും അദ്ദേഹത്തിന്റെ മമ്മൂട്ടി കമ്പനിയും തീർച്ചയായും ചില വലിയ നേട്ടങ്ങൾ ഉണ്ടാക്കുന്നുണ്ട്. സൂപ്പർ താരം എന്ന മേലങ്കി അഴിച്ചുവെച്ച് കഥാപാത്രം മാത്രമായി മാറുന്ന പരകായ പ്രവേശം മാത്യുവിലൂടെ മമ്മൂട്ടി കൺമുന്നിൽ കാണിച്ചിരിക്കുന്നു. അധികം സംസാരിക്കാത്ത, ആളുകളുടെ മുഖത്തുപോലും ശരിക്കും നോക്കാത്ത, താൻ ഏത് അവസ്ഥയിലൂടെയാണ് കടന്നുപോകുന്നതെന്നുപോലും ശരിക്ക് മനസിലാവാത്ത മാത്യുവിനെ മമ്മൂട്ടി ഗംഭീരമാക്കിയിട്ടുണ്ട്. സ്വാതന്ത്ര്യം തേടുന്ന വീട്ടമ്മയാണ് ജ്യോതിക അവതരിപ്പിച്ച ഓമന. വിവാഹത്തിനുശേഷം ജീവിതത്തിലെ സന്തോഷം നിലച്ചവൾ. വർഷങ്ങൾക്കുശേഷമുള്ള മലയാളത്തിലേക്കുള്ള തന്റെ തിരിച്ചുവരവ് ഇങ്ങനെയൊരു സിനിമയിലെ കഥാപാത്രത്തിലൂടെയാണ് എന്നതിൽ ജ്യോതികയ്ക്ക് അഭിമാനിക്കാം. സാധാരണക്കാരിൽ സാധാരണക്കാരനായ തങ്കച്ചനെ അവതരിപ്പിച്ച സുധി കോഴിക്കോടും നിറഞ്ഞ കയ്യടി അർഹിക്കുന്നുണ്ട്. കലുഷിതമായ കുടുംബാന്തരീക്ഷത്തിലും വയലന്‍സില്ലാതെ കഥ റഞ്ഞുവെന്നതാണ് കാതലിന്റെ മറ്റൊരു മേന്‍മ. തന്റെ ഭര്‍ത്താവിന്റെത് ഗേ ഐഡന്‍ഡിറ്റിയാണെന്ന് കോടതിയില്‍ സ്ഥാപിക്കുന്നത് വിവാഹമോചനം നേടാന്‍ നേടാന്‍ വേണ്ടി മാത്രമല്ലായെന്ന് ഓമന മാത്യുവിനോട് പറയുന്നൊരു സീനുണ്ട് ഈ സിനിമയില്‍. 'എനിക്ക് മാത്രം മതിയോ രക്ഷപെടല്‍ മാത്യുവിനും രക്ഷപ്പെടണ്ടേ?' അതൊരു രാഷ്ട്രീയ ചോദ്യമാണ്. ആ രക്ഷപെടലാണ് സിനിമയുടെ കഥാന്ത്യം. . Follow Malayalis Near Me for more reviews! 🌐 . https://www.instagram.com/malayalisnearme.ca/ . . #KaathalMovie #MalayalamMovies #KaathaltheCore #Movies #KaathalReview #KaathalMovieReview #MovieReviews #MalayalamMovieReview #NewMalayalamMovie #CanadianMalayali #NewMovie #MalayalisNearMe #MalayalisNearMeApp #mnm #Review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐅𝐚𝐥𝐢𝐦𝐲 (𝟐𝟎𝟐𝟑- 𝐌𝐚𝐥𝐚𝐲𝐚𝐥𝐚𝐦) 𝐈𝐌𝐃𝐛 𝟕.𝟑/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟕.𝟓/𝟏𝟎 തന്റെ അവസാനത്തെ ആഗ്രഹങ്ങളിലൊന്നായ കാശിയാത്രക്ക് ഇറങ്ങി പുറപ്പെട്ട 82 കാരനായ ജനാർദ്ദനനെ റെയിൽവേ സ്റ്റേഷനിൽ നിന്ന് ഇളയകൊച്ചുമോൻ കണ്ടുപിടിക്കുന്നു. ഇത് 3 ആം തവണയാണ് കാശിയാത്രക്ക് ഇറങ്ങിയ ജനാർദ്ദനനെ വീട്ടുകാർ കണ്ടെത്തി തിരിച്ചുകൊണ്ടുവരുന്നത്. കാശിയിൽ കൊണ്ടുപോകാം എന്ന് കുടുംബാംഗങ്ങൾ പലതവണ പറയുന്നുണ്ടെങ്കിലും അവരുടെ സാമ്പത്തിക സ്ഥിതി അവരെ അതിനനുവദിക്കുന്നില്ല. ഡിഗ്രി പോലുമില്ലാതെ ഒരു ഡബ്ബിങ് ആർട്ടിസ്റ് ആകേണ്ടി വന്ന മൂത്തമകനും, യൂറോപ്പിലേക്ക് പോകാൻ തയ്യാറെടുക്കുന്ന ഇളയമകനും ഡിജിറ്റൽ പ്രസ്സുകൾ വന്നതോടെ സ്വന്തം പ്രസ് അടച്ചുപൂട്ടി മദ്യപാനിയായ അച്ഛനും, ഇവരെയൊക്കെ ഒരുമിച്ചു കൊണ്ടുപോകുന്ന, വേറൊരു പ്രെസ്സിൽ ജോലിചെയ്യുന്ന അമ്മയുമാണ് വീട്ടിലുള്ളത്. ഒരു ശരാശരി മിഡിൽ ക്ലാസ്സ്‌ മലയാളി പുരുഷന്റെ ജീവിത നൈരാശ്യങ്ങളെല്ലാം പേറുന്ന മൂത്തമകനായ അനൂപിന്റെ കല്യാണത്തിനോടനുബന്ധിച്ചു നടന്ന സംഭവങ്ങളാണ് അവസാനം ജനാർദ്ദനന്റെ കാശി യാത്രക്ക് വഴിയൊരുക്കുന്നത്. അനൂപിനും അപ്പൂപ്പനുമൊപ്പം കാശിക്ക് എല്ലാവരും തയ്യാറാകുന്നതോടെ കഥ ആരംഭിക്കുകയായി. ചന്ദ്രനെന്ന അച്ഛനായി ജഗദീഷും അനു ചന്ദ്രനെന്ന മകനായി ബേസില്‍ ജോസഫും എത്തുന്നെങ്കിലും ചിത്രത്തിലെ യഥാർഥ താരം ഇരുവരുമല്ല. അത് ജനാർദ്ദനനായി അഭിനയിച്ച മീനരാജ് പള്ളുരുത്തിയാണ്. വാർദ്ധക്യസഹജമായ പരാതികളും പയ്യാരം പറച്ചിലുകളുമില്ലാത്ത ജനാർദ്ദനൻ തന്നെയാണ് ചിത്രത്തിലെ സൂപ്പർ ഹീറോ. ഹോം സിനിമയിൽ ഇന്ദ്രന്‍സിന്റെ ഭാര്യയായ കുട്ടിയമ്മ എന്ന കഥാപാത്രത്തെ അവതരിപ്പിച്ച മഞ്ജു പിള്ളയുടെ അഭിനയ ജീവിതത്തിലെ കരിയർ ബ്രേക്ക് തന്നെയാണ് ഫാലിമി സിനിമയിലെ മഞ്ജു പിള്ളയുടെ രമ എന്ന കഥാപാത്രവും. കോമഡിയും വൈകാരിക രംഗങ്ങളും ഒരേപോലെ വഴങ്ങുന്ന മഞ്ജുപിള്ള ആ കഥാപാത്രം മികച്ചതാക്കിയിട്ടുമുണ്ട്. മറ്റുള്ളവരേയും അവനവനേയും കണ്‍ഫ്രണ്ട് ചെയ്യാന്‍ ബുദ്ധിമുട്ടുള്ള ബേസിലിന്റെ നായകന്‍ അദ്ദേഹത്തിന്റെ മുന്‍ കഥാപാത്രങ്ങളുടെ എക്‌സ്‌റ്റെന്‍ഷന്‍ ആണെങ്കില്‍ കൂടിയും മികച്ചൊരു സൃഷ്ടിയാണ്. അച്ഛനായുള്ള ജഗദീഷിന്റെ പ്രകടനവും ശ്രദ്ധേയമാണ് കേരളത്തിലെ കുടുസ്സു വീടും ശരാശരി ജീവിതവും ഇടുങ്ങിയ തൊഴിലിടവും കാണിച്ച അതേ ക്യാമറയില്‍ വാരാണസിയുടെ വിശാല ലോകത്തെ കൂടി ഒപ്പിയെടുക്കുമ്പോള്‍ തീര്‍ച്ചയായും അത്ഭുതപ്പെടും. തിരുവനന്തപുരത്തു നിന്നും വാരാണസിയിലേക്കുള്ള തീവണ്ടി, ബസ്, വാന്‍ യാത്രയും പ്രേക്ഷകരെ ബോറടിപ്പിക്കാതെ ചിത്രീകരിച്ചിട്ടുണ്ട്. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #FalimyMovie #MalayalamMovies #Falimy #Movies #FalimyReview #FalimyMovieReview #MovieReviews #MalayalamMovieReview#NewMalayalamMovie #CanadianMalayali #NewMovie #MalayalisNearMe #MalayalisNearMeApp #mnm #Review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐀𝐧𝐭𝐨𝐧𝐲 𝟐𝟎𝟐𝟑- 𝐌𝐚𝐥𝐚𝐲𝐚𝐥𝐚𝐦) 𝐈𝐌𝐃𝐛 𝟖.𝟕/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟖/𝟏𝟎 അവറാൻ സിറ്റി ഭരിക്കുന്ന സാത്താനായ ആന്റണി അന്ത്രപ്പേർ, സുഹൃത്തുക്കൾക്കും വേണ്ടപ്പെട്ടവർക്കും മാലാഖയാണ്. സ്വന്തമായി കെട്ടിപ്പടുത്ത ഒരു സാമ്രാജ്യത്തിൽ പണത്തിന്റെയും കൈക്കരുത്തിന്റെയും പര്യായമായി ജീവിക്കുന്ന ആന്റണി തന്റെ സുഹൃത്തിനു നേരിടേണ്ടി വന്ന ഒരു ആക്രമണത്തിന് പകരം ചോദിക്കുന്നിടത്തു നിന്നാണ് സിനിമ തുടങ്ങുന്നത്. ആ പ്രതികാരത്തിന് നിയമപരമായുള്ള പ്രത്യാഘാതങ്ങളെ കൂസലില്ലാതെ നേരിടുന്ന ആന്റണിക്ക് അപ്രതീക്ഷിതമായി മനസില്ലാമനസോടെ ഒരാളുടെ രക്ഷാകർത്താവിന്റെ ചുമതല കൂടെ വരുന്നു. ഉശിരൻ ബോക്സറായ ആൻ മരിയയായിരുന്നു അത്. ഇവർക്ക് രണ്ടുപേർക്കും ഉണ്ടായിരുന്നത് ജീവിതത്തെ പാടെ ഉലച്ച സംഭവങ്ങളായിരുന്നു. ബാലൻസ് ഷീറ്റ് നോക്കിയാൽ ചോരയുടെ മണം മാത്രം അവശേഷിക്കുമായിരുന്ന ആന്റണിയുടെ ജീവിതത്തിൽ ആൻ മരിയ വരുന്നതോടെ അയാൾക്ക് ഇഷ്ടപ്പെടാത്ത കുറെ മാറ്റങ്ങൾ വരുന്നു. ജോജുവിന്റെ കരിയറിൽ എന്നും ഓർത്തുവയ്ക്കാവുന്ന കഥാപാത്രമാണ് ആന്റണി അന്ത്രപ്പേർ. പൊറിഞ്ചു മറിയം ജോസിന് ശേഷം ജോജു ജോര്‍ജ് വീണ്ടും ജോഷിയുടെ ടൈറ്റില്‍ കഥാപാത്രമായി മാറുകയാണ് ആന്‍റണിയിലൂടെ. കാട്ടാളന്‍ പൊറിഞ്ചുവിനെപ്പോലെ തിരക്കഥയില്‍ വെയ്റ്റ് ഉള്ള കഥാപാത്രമാണ് ആന്‍റണിയും. ശരീരഭാഷയിലും ഡയലോഗ് ഡെലിവറിയിലും ജോജു എന്ന നടൻ ആർജ്ജിച്ചെടുത്ത മിതത്വവും കയ്യടക്കവും ആന്റണി എന്ന കഥാപാത്രത്തെ അതിഗംഭീര അനുഭവമാക്കുകയാണ്. ജോജുവും കല്യാണിയും ഒരുപോലെ ആക്ഷൻ രംഗങ്ങളിൽ കെെയടി നേടുന്നുണ്ട്. ബോക്സിങ്ങിൽ ഉൾപ്പടെ മികച്ച പ്രകടനം പുറത്തെടുക്കാൻ കല്യാണിക്കായി. അവറാൻ സിറ്റിയെന്ന പേരിനു കാരണഭൂതനായ അവറാച്ചൻ മുതലാളിയായി വിജയരാഘവനാണ് വേഷമിടുന്നത്. മാസ് സിനിമകളിൽ വെറും ഇമോഷനൽ ട്രാക്കിൽ ഒതുങ്ങിപ്പോകുന്ന സ്ത്രീകഥാപാത്രങ്ങളെയാണ് പൊതുവെ പ്രേക്ഷകർക്കു കണ്ടു പരിചയം. എന്നാൽ, ആന്റണിയിൽ ആക്‌ഷനിലും ഡയലോഗ് ഡെലിവറിയിലും ഇമോഷനൽ സീക്വൻസിലും ഒരുപോലെ തിളങ്ങുന്ന സ്ത്രീകഥാപാത്രങ്ങളെ കാണാം. കല്യാണിയുടെ ആൻ മരിയയും നൈല ഉഷ അവതരിപ്പിച്ച മായ എന്ന കഥാപാത്രവുമാണ് അതിനു ചുക്കാൻ പിടിക്കുന്നത്. ചാമിങ് പെർഫോമൻസാണ് സിനിമയിൽ നൈല ഉഷയുടേത്. മാസ് സിനിമകളിൽ ആവർത്തിക്കപ്പെടുന്ന പക, പ്രതികാരം, അതിജീവനം എന്ന ഫോർമുലയിൽ നിന്നുകൊണ്ടു തന്നെ വേറിട്ട ഇമോഷനൽ കഥ പറയാൻ കഥാകൃത്തിന് കഴിഞ്ഞിട്ടുണ്ട്. അതിന് ഗംഭീര ചലച്ചിത്രാവിഷ്കാരമാണ് സംവിധായകൻ ജോഷി ഒരുക്കിയിരിക്കുന്നതും. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #AntonyMovie #MalayalamMovies #Antony #Movies #AntonyReview #AntonyMovieReview #MovieReviews #MalayalamMovieReview#NewMalayalamMovie #CanadianMalayali #NewMovie #MalayalisNearMe #MalayalisNearMeApp #mnm #Review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 Corona Papers (2023- Malayalam) IMDb 8.5/10⭐ MNM rating 7.5/10 മോഹൻലാലും കോമഡിയുമില്ലാത്ത ഒരു പ്രിയദർശൻ സിനിമയാണ് കൊറോണ പേപ്പേഴ്സ്. ടൗൺ സ്റ്റേഷനിൽ ജോലിക്കു ചേരാനെത്തുന്ന പൊലീസുകാരൻ. തിരക്കുള്ള ബസ്സിൽവച്ച് അയാളുടെ സർവീസ് റിവോൾവർ പോക്കറ്റടിക്കപ്പെടുന്നു. ആ റിവോൾവർ അന്വേഷിച്ചു നടക്കുന്നതിനിടെ നഗരത്തെ നടുക്കിയ കുറ്റകൃത്യത്തിൽ ആ റിവോൾവർ ഉപയോഗിക്കപ്പെടുന്നു. കുറ്റവാളിയിലേക്ക് എത്തിച്ചേരാൻ പൊലീസ് എങ്ങനെ യാത്ര ചെയ്യുന്നു എന്നതിനൊപ്പം നാല് വർഷങ്ങൾക്ക് മുൻപ് നടന്ന ഒരു എൻകൗണ്ടറിനെ ചുറ്റിപ്പറ്റിയുള്ള കഥയും സമാന്തരമായി മുന്നോട്ട് പോകുന്നുണ്ട്. ജാപ്പനീസ് സംവിധായകനായ അകിര കുറസോവയുടെ 'Stray Dog' എന്ന സിനിമയുടെ തമിഴ് റീമേക് ആയ '8 തോട്ടകൾ' എന്ന സിനിമയുടെ കഥയിൽ ചില മാറ്റങ്ങൾ വരുത്തി തയ്യാറാക്കിയ ചിത്രമാണ് കൊറോണ പേപ്പേഴ്സ്. എന്നാൽ കന്നഡ തെലുഗ് റീമേക്കുകളെ അപേക്ഷിച്ച് വളരെ മികച്ച രീതിയിൽ തന്നെ പ്രിയദർശൻ ഈ സിനിമയെടുത്തിട്ടുണ്ട്. അടിമുടി ഒരു സിദ്ധിക്ക് സിനിമയാണ് ഇത്. തന്റെ സ്വന്തം ശൈലിയിൽ തനിക്ക് കിട്ടിയ റോൾ ഷൈൻ ടോം ചാക്കോ തകർത്തിട്ടുണ്ട്. വ്യത്യസ്തമായ ഒരു കഥാപാത്രം കിട്ടിയിട്ടും രൂപം കൊണ്ട് മാത്രമാണ് ഷെയിൻ അതിനോട് നീതി പുലർത്തിയത്. ഒരു എസ് ഐ കഥാപാത്രം ആയിരുന്നിട്ടും താൻ മുൻപ് ചെയ്ത കൊച്ചി ഫ്രീക്കൻ റോളുകളുടെ ഒരു അതിപ്രസരം ഇവിടെയും കാണാം. ഇനി വരും നാളുകളിൽ ഷെയിൻ ഇനിയും അഭിനയ പ്രാധാന്യമുള്ള കഥാപാത്രങ്ങളിൽ കാണട്ടെ. സന്ധ്യ ഷെട്ടിയുടെ ഉശിരൻ പോലീസ് റോൾ എടുത്തു പറയേണ്ട ഒന്നാണ്. പ്രേക്ഷകരുടെ ഒരു ഇഷ്ട താരത്തിന്റെ അതിഥി വേഷവും ശ്രദ്ധിക്കപ്പെട്ടതാണ്. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #coronapapers #coronapapersmovie #shanenigam #shinetomchacko #coronapapersreview #coronapapersmoviereview #moviereviews #6malayalammovies #malayalammoviereview #MalayalamEntertainer #newmalayalammovie #canadianmalayali #newmovie #malayalisnearme #malayalisnearmeapp #mnm #review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐃𝐀𝐃𝐀 (𝟐𝟎𝟐𝟑- 𝐓𝐚𝐦𝐢𝐥) 𝐈𝐌𝐃𝐛 𝟖.𝟓/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟖/𝟏𝟎 ഒരേ കോളേജിൽ പഠിക്കുന്ന രണ്ടു കമിതാക്കളാണ് മണികണ്ഠനും സിന്ധുവും. സിന്ധു ഗർഭിണിയാകുന്നതോടെ രണ്ടുപേരുടെയും വീട്ടുകാരുടെയും സപ്പോർട് ലഭിക്കാതെ ഇവർ ഒന്നിച്ചു ജീവിക്കുന്നു. ചെറിയൊരു ജോലി ചെയ്ത് രണ്ടു പേരുടെയും ചിലവുകളും പഠനവും ഒക്കെ നന്നായി കൊണ്ടുപോകാൻ പറ്റാതെ ബുദ്ധിമുട്ടുന്നതോടെ മണിയുടെ സ്നേഹം കുറയുകയും ഇവർ തമ്മിൽ വഴക്കുകൾ ഉണ്ടാകാനും തുടങ്ങി. ഒരിക്കൽ ഒരു വഴക്കിനു ശേഷം ജോലി സ്ഥലത്തേക്ക് പോയ മണിയെ പ്രസവ വേദന തുടങ്ങിയ സിന്ധു ഫോൺ വിളിക്കുന്നു. എന്നാൽ ദേഷ്യത്തിൽ മണി ഫോൺ എടുത്തില്ല. ബ്ലീഡിങ് തുടങ്ങിയ സിന്ധു അബോധാവസ്ഥയിൽ അവളുടെ അച്ഛനെ വിളിക്കാൻ ആരോടോ ആവശ്യപ്പെട്ടു. വൈകുന്നേരം ഹോസ്പിറ്റലിൽ എത്തിയ മണി കണ്ടത് കുഞ്ഞിനെ മാത്രമായിരുന്നു…..തന്നെയും കുഞ്ഞിനേയും ഉപേക്ഷിച്ച സിന്ധുവിനോടുള്ള വാശിയും കുഞ്ഞിനോടുള്ള വാത്സല്യവും കൊണ്ട് നല്ലൊരു അച്ഛനാകാൻ ശ്രമിക്കുന്ന അവന്റെ ജീവിതത്തിൽ നടക്കുന്ന സംഭവങ്ങളാണ് ചിത്രത്തിൽ ഫീൽ ഗുഡിനോടൊപ്പം ഇമോഷണലായി കാണിച്ചു പോകുന്നത്. സംഗീതത്തിന് കുറച്ച് പ്രാധാന്യമുള്ള ഈ സിനിമയിൽ അത്യാവശ്യം നല്ല ബാക്ക്ഗ്രൗണ്ട് മ്യൂസിക്ക് ഉണ്ടായിരുന്നുവെങ്കിലും ഗാനങ്ങളെല്ലാം ശരാശരിയിൽ ഒതുങ്ങി പോയതും ആവശ്യമില്ലാത്തെ ചില രംഗങ്ങളും ചില പോരായ്മകളും മാറ്റി നിർത്തിയാൽ നല്ല ഫീലോടെ കണ്ട് തീർക്കാവുന്ന നല്ലൊരു തമിഴ് ചിത്രം . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #dada #dadammovie #kavin #aparnadas #dadareview #dadamoviereview #moviereviews #tamilmovies #tamilmoviereview #TamilEntertainer #newtamilmovie #canadianmalayali #newmovie #malayalisnearme #malayalisnearmeapp #mnm #review

രക്തരൂക്ഷിതമായ പോരാട്ടം, ഇരകളായി കുറേ മനുഷ്യർ; വെറും ഇടിപ്പടമല്ല തുറമുഖം Book your tickets today!! . . #thuramukham #thuramukhammovie #nivinpauly #arjunashokan #thuramukhamreview #thuramukhammoviereview #moviereviews #malayalammovies #malayalammoviereview #MalayalamEntertainer #newmalayalammovie #canadianmalayali #newmovie #malayalisnearme #malayalisnearmeapp #mnm #review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐑𝐎𝐌𝐀𝐍𝐂𝐇𝐀𝐌 (𝟐𝟎𝟐𝟑- 𝐌𝐚𝐥𝐚𝐲𝐚𝐥𝐚𝐦) 𝐈𝐌𝐃𝐛 𝟖.𝟏/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟖/𝟏𝟎 2007 ൽ ബാംഗ്ളൂരിന്റെ ഒരറ്റത്തു താമസിച്ചിരുന്ന, ഈ സിനിമയുടെ സംവിധായകൻ കൂടിയായ ജിത്തു മാധവന്റെയും ആറ് കൂട്ടുകാരുടെയും ജീവിതത്തിൽ നടന്ന സംഭവങ്ങൾ കുറച്ചു ഭാവനയും ചേർത്ത് അവതരിപ്പിച്ചിരിക്കുകയാണ് ഈ സിനിമയിൽ. പല ചെറിയ ജോലികളും തൊഴിലന്വേഷണങ്ങളുമായി തങ്ങളുടെ ബാംഗ്ലൂർ ലൈഫ് 'അടിച്ചുപൊളിച്ചു' ജീവിച്ച അവരിൽ ഒരാൾ ഒരിക്കൽ ഒരു ഓജോ ബോർഡ് ഉണ്ടാക്കി. എന്നാൽ വിചാരിച്ച പോലെ പ്രേതം വരാതിരുന്നതോടെ അവരെ പറ്റിക്കാനായി അയാൾ ചെറിയ ഒരു സൂത്രം കാണിക്കുന്നു. അത് മനസിലായ ആ കൂട്ടത്തിലെ ഒരാൾ കൂടെ അയാളോടൊപ്പം ചേരുന്നതോടെ മറ്റുള്ളവരെ അവർ 'അനാമിക' എന്നൊരു പ്രേതം വന്നു എന്ന് എളുപ്പത്തിൽ വിശ്വസിപ്പിക്കുന്നു. എന്നാൽ ഒരുസമയം മറ്റുള്ളവർ ഓജോ ബോർഡിൽ കളിക്കുന്നതോടെ അവർ മനസിലാക്കി ഈ ഓജോ ബോർഡ് വഴി യഥാർത്ഥത്തിൽ 'അനാമിക' വന്നു എന്ന്. പിന്നീടങ്ങോട്ട് അത്രയും നേരം കോമഡി ട്രാക്കിൽ പോയിക്കൊണ്ടിരുന്ന സിനിമ പെട്ടന്ന് ഒരു ഹൊറർ മോഡ് കൈവരിക്കുകയാണ്. അഭിനേതാക്കളുടെ പ്രകടനവും സുഷിൻ ശ്യാമിന്റെ സംഗീതവും ഒത്തുചേർന്നപ്പോൾ പ്രേക്ഷകർക്ക് ലഭിച്ചത് ഒരു മികച്ച അനുഭവം. ഹൊറര്‍ കോമഡിയായി ഒരുക്കിയ ചിത്രത്തിന്റെ ഛായാഗ്രഹണം സനു താഹിര്‍ ആണ്. പടം കണ്ടിറിങ്ങിയവരുടെ മനസ്സിൽ ആ പഴയ ബാച്‌ലർ ലൈഫ് ഓര്‍മകളും നിറഞ്ഞു നിൽക്കും. സൗബിൻ ഷാഹിർ, അർജുൻ അശോകൻ, ചെമ്പൻ വിനോദ്, സജിൻ ഗോപു തുടങ്ങിയവർ മാത്രമാണ് സിനിമയിൽ പരിചിതമായ മുഖങ്ങൾ. ബാക്കിയെല്ലാവരും അപ്പൂപ്പൻ ആൻഡ് ബോയ്സ്, ഒതളങ്ങതുരുത്ത് തുടങ്ങിയ വെബ് സീരീസുകളിലും മറ്റുമൊക്കെ കണ്ട് പരിചയമുള്ള അഭിനേതാക്കളാണ്. ഇവരെല്ലാവരും ചേർന്ന് ഒരു അസ്സൽ ചിരി വിരുന്നാണ് രോമാഞ്ചത്തിലൂടെ ഒരുക്കിയിരിക്കുന്നത്. മലയാളത്തിൽ ഏറെ നാളുകൾക്ക് ശേഷം വന്നിരിക്കുന്നൊരു ഹൊറർ കോമഡി കൂടിയാണ് സിനിമ. . Follow Malayalis Near Me for more reviews! 🌐 Book your tickets from ww.kwtalkies.com . https://www.instagram.com/malayalisnearme.ca/. . . #romancham #romanchammovie #soubinsahir #soubin #romanchamreview #romanchammoviereview #moviereviews #guppymovies #malayalammoviereview #MalayalamEntertainer #newmalayalammovie #canadianmalayali #newmovie #malayalisnearme #malayalisnearmeapp #mnm #review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐍𝐀𝐍𝐏𝐀𝐊𝐀𝐋 𝐍𝐄𝐑𝐀𝐓𝐇 𝐌𝐀𝐘𝐀𝐊𝐀𝐌 (𝟐𝟎𝟐𝟑- 𝐌𝐚𝐥𝐚𝐲𝐚𝐥𝐚𝐦) 𝐈𝐌𝐃𝐛 𝟖.𝟗/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟖.𝟓/𝟏𝟎 ഒരു നാടക കമ്പനിയുടെ മുതലാളിയായ ജെയിംസും സഹപ്രവർത്തകരും അവരുടെ കുടുംബാംഗങ്ങളുമായി വേളാങ്കണ്ണി സന്ദർശിച്ചു മടങ്ങുന്നു. പണത്തിന്റെയും ചിലവുകളുടെയും കാര്യത്തിൽ കണിശക്കാരനായ ജയിംസിന്റെ ഈ സ്വഭാവം എല്ലാവർക്കും ഇഷ്ടപ്പെടുന്നില്ലെങ്കിലും ആരുംപ്രതികരിക്കുന്നില്ല. ഉച്ചഭക്ഷണത്തിനു ശേഷം എല്ലാവരും ബസിൽ തന്നെ ഒരു ഉച്ചമയക്കത്തിൽ ആയിരിക്കുമ്പോഴാണ് തമിഴ്‌നാട്ടിലെ ഒരു ഉൾനാടൻ ഗ്രാമത്തിനു നടുവിലൂടെ ബസ് കടന്നു പോകുന്നത്. ഉറക്കത്തിൽ ഞെട്ടി എഴുന്നേൽക്കുന്ന ജെയിംസ് ബസ് നിർത്താൻ ആവശ്യപ്പെടുന്നു. എല്ലാവരും ഉറങ്ങുമ്പോൾ ബസിൽ നിന്ന് പെട്ടന്ന് ഇറങ്ങി ഒരു പാടത്തിനു നടുവിലൂടെ നടന്നു നീങ്ങിയ ജെയിംസ് എത്തിയത് ഒരു ഉൾഗ്രാമത്തിലായിരുന്നു. ഒരു ആലോചനയുമില്ലാതെ ഒരു വീട്ടിലേക്ക് കയറിച്ചെന്നു ആ വീട്ടുകാരോട് ആ വീട്ടിലെ ഗൃഹനാഥനായിരുന്ന സുന്ദരം എന്ന ആളായി പെരുമാറാൻ തുടങ്ങിയ ജെയിംസിനെ ആ വീട്ടുകാരോടൊപ്പം പ്രേക്ഷകരും ഞെട്ടലോടെ നോക്കിക്കാണുന്നു. ജെയിംസ് എന്ന മനുഷ്യനിൽ നിന്ന് സുന്ദരം എന്ന മനുഷ്യനിലേക്കുള്ള ട്രാൻസ്ഫോർമേഷൻ അനായാസമായി മമ്മൂട്ടി സ്‌ക്രീനിൽ കാണിക്കുമ്പോൾ കാണുന്ന പ്രേക്ഷകന് തോന്നും, "ഇത് അഭിനയിക്കുകയാണോ അതോ ജീവിക്കുകയാണോ" എന്ന്. ലിജോ ജോസ് പെല്ലിശ്ശേരിയുടെ സംവിധാന മികവ് ഒന്നുകൂടി വരച്ച് കാണിക്കുകയാണ് നൻപകൽ നേരത്ത് മയക്കം എന്ന സിനിമ. രണ്ടു മണിക്കൂർ തന്റെയുള്ളിലെ നടന്റെ 'റേഞ്ച്' എന്താണെന്ന് മമ്മൂക്ക കാണിച്ചു തന്നിട്ടുണ്ട്. അല്ലെങ്കിൽ എങ്ങനെയാണ് മൂവാറ്റുപുഴക്കാരൻ കുടുംബസ്ഥനനായ വ്യക്തി പെട്ടെന്ന് സുന്ദരം എന്ന വ്യക്തിയായി മാറുന്നത്. മൂവാറ്റുഴയിൽ നിന്നു തമിഴ്‌നാട്ടിലേക്കുള്ള ദൂരം. അതേ ദൂരമുണ്ട് ജെയിംസും സുന്ദരവുമായി. എന്നാൽ ആ ദൂരത്തെ തന്റെ അഭിനയശേഷി കൊണ്ട് മലയാളത്തിന്റെ മഹാനടൻ മറികടക്കാൻ ശ്രമിക്കുന്നതിന്‌റെഅദ്ഭുതകരമായ കാഴ്ച കൂടിയാണ് ചിത്രം എടുത്തു പറയേണ്ട ഒന്നാണ് തേനി ഈശ്വറിന്റെ സിനിമാറ്റോഗ്രഫി. 'നായിക ചാടുമ്പോ ക്യാമറയും കൂടെ ചാടട്ടെ' എന്ന പതിവ് ലിജോ സ്റ്റൈൽ വിട്ട് സ്ക്രീനിലേക്ക് കഥാപാത്രങ്ങൾ നടന്നു കേറുന്ന വൈഡ് ആംഗിൾ ഷോട്ടുകളിലൂടെയാണ് സിനിമ മുന്നോട്ട് പോകുന്നത്. താരങ്ങൾക്ക് പകരം അഭിനേതാക്കളെയാണ് ഇതിൽ നമുക്ക് കാണാൻ സാധിക്കുന്നത്. ഭർത്താവിനെ നഷ്ടപ്പെട്ട പൂങ്കുഴലിയുടെ റോൾ ഭംഗിയായി അവതരിപ്പിച്ചു രമ്യ പാണ്ട്യൻ. അവളുടെ ഉച്ചയുറക്കത്തിലേക്കാണ് ജെയിംസ് നടന്നു കയറുന്നത്. സുന്ദറിന്റെ രൂപവും ഭാവവും പകർന്ന്, അതേ ശബ്ദത്തിൽ തന്നെ വിളിച്ചെന്നു പൂങ്കുഴലി പറയുമ്പോൾ ജെയിംസ് എത്രമാത്രം സുന്ദറായിരുന്നു എന്ന് പ്രേക്ഷകന് മനസിലാകും. പശ്ചാത്തല സംഗീതമില്ലാത്ത ഈ സിനിമയിൽ രംഗങ്ങളെ നമ്മളുമായി ലയിപ്പിക്കുന്നത് 70 കളിലെ തമിഴ് സിനിമകളിലെ സംഭാഷണങ്ങളാണ്. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #NanpakalNerathuMayakkam #NanpakalNerathuMayakkammovie #NNMmovie #mammootty #LJP #NanpakalNerathuMayakkamreview #NanpakalNerathuMayakkammoviereview #moviereviews #lijojoselallissery #tmalayalammoviereview #MalayalamEntertainer #newmalayalammovie #canadianmalayali #newmovie #malayalisnearme #malayalisnearmeapp #mnm #review

𝐊𝐀𝐀𝐏𝐀 (𝟐𝟎𝟐𝟐- 𝐌𝐚𝐥𝐚𝐲𝐚𝐥𝐚𝐦) 𝐈𝐌𝐃𝐛 𝟔.𝟔/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟕/𝟏𝟎 പുതുവർഷത്തിലും തിയേറ്റർ ഇളക്കി മറിക്കുന്ന സിനിമകളുടെ ലിസ്റ്റിൽ ഒന്നാമതായി കാപ്പ. തിരുവനന്തപുരത്തേക്ക് ട്രാൻസ്ഫർ ആയി വന്ന ഒരു ടെക്കിയാണ് ആനന്ദ്. യാദൃശ്ചികമായാണ് തൻ്റെ ഭാര്യ പോലീസിന്റെ കാപ്പ ലിസ്റ്റിൽ ഉള്ളതായി ആനന്ദ് അറിയുന്നത്. എന്നാൽ തൻ്റെ ഭാര്യയുടെ കുടുംബവുമായി ബന്ധമുള്ള ഒരു സായാഹ്‌ന പത്രക്കാരൻ സൃഷ്‌ടിച്ച ഒരു സാങ്കല്പിക ഗുണ്ടാ സംഘത്തിന്റെ പേരിലാണ് ഇതെല്ലം നടക്കുന്നത് എന്നി മനസിലാക്കിയ ആനന്ദ് ഈ പ്രശ്നങ്ങളുടെ എല്ലാം തുടക്കക്കാരിലൊരാളായ കൊട്ട മധു എന്ന ഗുണ്ടാ നേതാവിന്റെ അടുത്ത എത്തുന്നു. എന്നാൽ ഈ സാങ്കല്പിക ഗുണ്ടാ സംഘത്തിന്റെ തലവൻ മാത്രമേ സങ്കല്പികമായിരുന്നുള്ളു. ആ ഗാങ്ങും മധുവുമായുള്ള പ്രശ്ങ്ങൾക്കിടയിലൂടെ സിനിമ മുന്നോട്ട് പോകുന്നു. അതിനിടെ പ്രമീള എന്ന പെൺകുട്ടിയെ ജീവിതത്തിലേക്ക് കൊണ്ട് വന്ന മധുകുമാർ എങ്ങനെ കൊട്ട മധുവായി എന്ന് നമ്മൾ അറിയും. വെട്ടാനുംകുത്താനും നടന്ന യുവാവായ കൊട്ട മധുവല്ല, മധ്യവയസ്കനായ കൊട്ട മധു. ചെയ്ത തെറ്റുകളുടെ കണക്കുപുസ്തകം തുറന്ന് കൂട്ടിയും കിഴിച്ചും നോക്കുന്നയാൾ. ഭാര്യയും കുട്ടിയുമടങ്ങുന്ന കുടുംബത്തോടുള്ള കരുതൽ. തേച്ചു വടിപോലെയാക്കിയ വെള്ള ഡബിൾ പോക്കറ്റ് ഷർട്ടിനും കറുത്ത പൊട്ടിനും പിന്നിൽ കൊട്ട മധു തന്റെ ജീവിതം മാറ്റിയെഴുതാൻ ശ്രമിച്ചു പരാജയപ്പെടുന്നുണ്ട്. പൃഥ്വിരാജിന്റെ കണിശതയുള്ള പ്രകടനം, ആക്‌ഷൻ രംഗങ്ങളിലെ കയ്യടക്കം എന്നിവ കൊട്ട മധുവിന്റെ മാറ്റുകൂട്ടുന്നുണ്ട്. ജഗദീഷിന്റെ കരിയറിലെ തികച്ചും വ്യത്യസ്തമായ കഥാപാത്രമാണ് കാപ്പയിലേത്. യുവാവായും മധ്യവയസ്കനായും രണ്ടു ഗെറ്റപ്പുകളിൽ കൊട്ട മധുവിനെ അവതരിപ്പിച്ച് പൃഥ്വിരാജ് സ്ക്രീനിൽ നിറഞ്ഞുനിൽക്കുമ്പോൾ ആസിഫ് അലി, അപർണ ബാലമുരളി, അന്ന ബെൻ, ദിലീഷ് പോത്തൻ, മിനോൺ എന്നിവർ അഭിനയത്തികവുകൊണ്ട് ശക്തമായ പിന്തുണ നൽകുന്നു ആക്ഷൻ എന്റർടൈൻമെന്റ് സിനിമകളുടെ തലതൊട്ടപ്പനായ ഷാജി കൈലാസ് വ്യത്യസ്തമായ ഒരു പാറ്റേണിലൊരുക്കിയ മാസ് പടം തന്നെയാണ് 'കാപ്പ' . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #kaapa #kaapamovie #kaapamalayalammovie #prithviraj #asifali #kaapareview #kaapamoviereview #moviereviews #MalayalamMovie #Malayalammoviereview #MalayalamEntertainer #newmalayalammovie #canadianmalayali #newmovie #malayalisnearme #malayalisnearmeapp #mnm #review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐉𝐚𝐲𝐚 𝐉𝐚𝐲𝐚 𝐉𝐚𝐲𝐚 𝐉𝐚𝐲𝐚 𝐇𝐞𝐲 𝐈𝐌𝐃𝐛 𝟖.𝟓/𝟏𝟎⭐ 𝗠𝗡𝗠 𝗿𝗮𝘁𝗶𝗻𝗴 𝟴.𝟳/𝟭𝟬 ധരിക്കാൻ ചേട്ടൻ ഇട്ടുപഴകിയ ഉടുപ്പ്, പഠിക്കാൻ ചേട്ടൻ അലക്ഷ്യമായി കൈകാര്യം ചെയ്ത് മുഷിഞ്ഞ താളുകളുള്ള പുസ്തകം, കളിയ്ക്കാൻ ചേട്ടൻ കളിച്ചുമടുത്ത കളിപ്പാട്ടം, ചേട്ടനേക്കാൾ കൂടുതൽ പഠിക്കേണ്ടതിന്റെ ആവശ്യകത ഇല്ലാത്തവൾ എന്നിങ്ങനെ 'ടോക്സിക് രക്ഷാകർത്താക്കളിൽ' തുടങ്ങി സ്ത്രീ സ്വാതന്ത്ര്യം പ്രസംഗിക്കുന്ന 'ടോക്സിക് എട്ടായിയിൽ' നീങ്ങി, വീട്ടിലെ അമ്മയും സഹോദരിയും പോലും തന്റെ ഇഷ്‌ടപ്രകാരമേ ജീവിക്കാവൂ എന്ന് നിശ്ചയിച്ചു നടക്കുന്ന 'ടോക്സിക്' ഭർത്താവിലാണ് ഈ സിനിമ ചെന്ന് നിൽക്കുന്നത്. കൊല്ലത്തെ കശുവണ്ടിക്കമ്പനിയിലെ ജോലിക്കാരന്റെ രണ്ടാമത്തെ കുട്ടിയായി ജനിച്ച ജയയ്ക്ക് ആ പേര് മൂത്തകുട്ടിയുടെ പേരുമായി മാച്ച് ആവാൻ വേണ്ടിയാണ്. സ്വന്തം ഇഷ്ടങ്ങൾ ഒക്കെ തന്നെയും കുടുംബത്തിലെ അമ്മാവൻമാരുടെ തീരുമാനത്തിൽ ഉപേക്ഷിക്കേണ്ടി വരുന്ന ജയയെ 'രാജ് ഭവനിലെ' 'പഞ്ച പാവമായ' രാജേഷ് വിവാഹം കഴിക്കുന്നു . കുടുംബം പുലർത്തുന്നതു കാരണം ആ 'പാവം' (എന്ന് വിളിക്കപ്പെടുന്ന) മകൻ പറയുന്നതെന്തും മറുവാക്കില്ലാതെ കേൾക്കാൻ അവിടെയും ഇവിടെയുമായി പഴിചാരുമെങ്കിലും, സ്വന്തം അമ്മയേക്കാൾ ടോക്സിസിറ്റി കുറഞ്ഞ അമ്മായിയമ്മയും, അവളെ ഏറെ മനസ്സിലാക്കുന്ന നാത്തൂനും ജയയ്ക്ക് തെല്ലൊരു ആശ്വാസമാണ്. എന്നാൽ ദിവസങ്ങൾ കഴിയും തോറും അവസ്ഥ മോശമാവുകയും തുടരെ തുടരെ ജയയുടെ കവിളിൽ 'പാവം' രാജേഷിന്റെ കൈ പതിയുകയും ചെയ്യുന്നു. 'എനിക്കിവിടെ പറ്റുന്നില്ല' എന്ന് കരഞ്ഞു പറയാൻ അവർ ആദ്യം ആശ്രയിക്കുന്ന അച്ഛൻ, അമ്മ, സഹോദരങ്ങൾ തുടങ്ങിയവർ കൈമലർത്തി 'ചെണ്ടയ്ക്ക് നിത്യവും മണ്ടയ്ക്ക് കൊട്ട്' കിട്ടുന്നതാണ് ഉത്തമയായ ഭാര്യ എന്ന് പറഞ്ഞു പഠിപ്പിക്കുമ്പോൾ, പാവം പെൺകുട്ടി എന്ത് ചെയ്യും? മികച്ച വിദ്യാഭ്യാസമോ തൊഴിലോ പോലും അവൾക്കില്ലെങ്കിലോ? ഈ ചിന്തകൾക്കിടയിൽ അവൾക്ക് കിട്ടുന്ന ഒരു അടിയിൽ നിന്നാണ് സിനിമയുടെ ട്വിസ്റ്റ്. വളരെ ഗൗരവമേറിയ വിഷയം നർമ്മത്തിൽ ചാലിച്ചാണ് സംവിധായകനും കഥാകൃത്തും പറഞ്ഞിരിക്കുന്നത്. ഷൈജു ദാമോദരന്റെ കമന്ററിയിൽ ഒരു കുടുംബ സീൻ നിങ്ങൾക്ക് ഊഹിക്കാമോ....എങ്കിൽ നിങ്ങൾ ഏറ്റവും കൂടുതൽ ചിരിക്കാൻ പോകുന്നത് ഈ സീനിൽ ആയിരിക്കും. വിന്റേജ് കാലത്തെ ശ്രീനിവാസൻ–പാർവതി, ശ്രീനിവാസൻ–ഉർവശി സിനിമകൾ പണ്ട് തിയറ്ററുകളിൽ സൃഷ്ടിച്ച ഓളം ഓളം സൃഷ്ടിക്കുകയാണ് ‘ജയ ജയ ജയ ജയ ഹേ’. ആ കാലത്തെ സിനിമകളിൽ എല്ലാം ക്ഷമിക്കുന്ന 'ഉത്തമ ഭാര്യ'യെ നിങ്ങൾ കണ്ടു എങ്കിൽ ഇവിടെ കാലത്തിനനുസരിച്ചു ചെറിയ 'ഒരു വലിയ മാറ്റം' ഉണ്ട്. ജയയുടെ ആറ്റിട്യൂട് ആണ് ഈ സിനിമയുടെ നട്ടെല്ല്. ദർശനയുടെ അഭിനയ മികവ് ഇതിൽ സ്പഷ്ടമാണ്. ജാനേ മൻ, പാൽ തൂ ജാൻവർ സിനിമകളുടെ ഹാങ്ങോവർ ഇല്ലാതെ രാജേഷിനെ ബേസിൽ മികച്ച രീതിയിൽ അവതരിപ്പിച്ചിട്ടുണ്ട്. മറ്റെല്ലാ അഭിനേതാക്കളുടെയും പ്രകടനം ഒന്നിനൊന്നു മെച്ചം തന്നെയാണ്. . Follow on the Malayalis Near Me social media app! 🌐 . 👉Download the Malayalis Near Me social media app! ✅ onelink.to/8ebmga . . . #jayajayajayajayahey #jayajayajayajayaheymovie #jayajayajayajayaheyfilm #basiljoseph #basil #darshana#jayajayajayajayaheyreview #moviereviews #MalayalamMovie #Malayalammoviereview #MalayalamEntertainer #jayajayajayajayaheymoviereview #newmalayalammovie #canadianmalayali #newmovie #malayalisnearme #malayalisnearmeapp #mnm #jayajayareview

പൊന്നിയിൻ സെൽവൻ മലയാളത്തിൽ നിങ്ങൾ സംവിധാനം ചെയ്താൽ ആരെയൊക്കെയായിരിക്കും ഈ റോളുകൾ ചെയ്യാൻ വിളിക്കുന്നത്.??? Comment your choice!!! . . . #PS1 #PonniyinSelvan #PonniyinSelvan1 #ManiRatnam #Newmovies #PS1review #PS1review #moviereviews #MalayalamMovie #Malayalammoviereview #MalayalamEntertainer #PonniyinSelvanreview #newmalayalammovie #newmovie #malayalisnearme #malayalisnearmeapp #mnm

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐏𝐒 𝟏 (𝐏𝐨𝐧𝐧𝐢𝐲𝐢𝐧 𝐒𝐞𝐥𝐯𝐚𝐧 𝟏) (𝟐𝟎𝟐𝟐- 𝐌𝐚𝐥𝐚𝐲𝐚𝐥𝐚𝐦/𝐓𝐚𝐦𝐢𝐥/𝐊𝐚𝐧𝐧𝐚𝐝𝐚/𝐓𝐞𝐥𝐮𝐠𝐮/𝐇𝐢𝐧𝐝𝐢) 𝐈𝐌𝐃𝐛 𝟗.𝟑/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟗/𝟏𝟎 𝑫𝒊𝒔𝒕𝒓𝒊𝒃𝒖𝒕𝒆𝒅 𝒊𝒏 𝑪𝒂𝒏𝒂𝒅𝒂 𝒃𝒚: 𝑲𝑾 𝑻𝒂𝒍𝒌𝒊𝒆𝒔 കുട്ടിയായിരുന്ന അരുൾമൊഴി വർമ്മൻ ഒരിക്കൽ പൊന്നി നദിയിൽ (കാവേരി നദി) വീണു....പക്ഷെ അത്ഭുതകരമായി രക്ഷപെട്ട അരുൾമൊഴി വർമ്മനെ കാത്തത് പൊന്നിനദിയാണെന്നും പൊന്നി നദിയുടെ പ്രിയപെട്ടവനെ 'പൊന്നിയിൻ സെൽവൻ' എന്നും വിളിക്കാൻ തുടങ്ങി. എന്നാൽ പൊന്നിയിൻ സെൽവൻ അഥവാ അരുൾമൊഴി വർമ്മൻ എന്ന രാജ രാജ ചോളനെ പറ്റി മാത്രമല്ല പൊന്നിയിൻ സെൽവൻ, അധികാരത്തർക്കങ്ങളും അട്ടിമറി നീക്കങ്ങളും പകയും പ്രതികാരവും പ്രണയവും ഉപജാപങ്ങളുമൊക്കെ ഇഴയിട്ട തമിഴകവും കേരളവും ഉൾപ്പെടുന്ന ഭൂഭാഗം അടക്കിവാണിരുന്ന ചേര, ചോള, പാണ്ഡ്യരിൽ പ്രധാനമായും ചോളവംശത്തിന്റെ കഥയാണ് ഇത്. തഞ്ചാവൂരിലെ വിശ്വപ്രസിദ്ധമായ ബൃഹദീശ്വരക്ഷേത്രം പണികഴിപ്പിച്ച രാജരാജചോളൻ അഥവാ അരുൾമൊഴി വർമനാണ് നായകനെങ്കിലും നോവൽ മുന്നോട്ടുപോകുന്നത് വല്ലവരയൻ വന്ദിയ ദേവൻ (കാർത്തി), ആഴ്‍വാർ കടിയാൻ നമ്പി (ജയറാം) എന്നീ കഥാപാത്രങ്ങളിലൂടെ ആണ്. അരുൾമൊഴി വർമന്റെ അച്ഛൻ പരാന്തക സുന്ദര ചോഴന്റെ കാലഘട്ടം തീരുന്ന അവസരത്തിൽ രാജ്യം രണ്ട് വലിയ പ്രശ്നങ്ങളെ അഭിമുഖീകരിക്കുകയുണ്ടായി. ചോള രാജാക്കന്മാരുടെ കീഴിലും സാമന്തരാജ്യങ്ങളിലും രാജാക്കന്മാരുണ്ട്. അവർക്കിടയിൽ ഒരു ഗൂഢാലോചന ഉടലെടുക്കുന്നു. അതൊരു ആഭ്യന്തര കലാപത്തിലേക്കെത്തുന്നു. പല പ്രധാനപ്പെട്ട രാജാക്കന്മാരെയും തോൽപിച്ചാണ് ചോള രാജവംശം അധികാരത്തിലെത്തുന്നത്. അതില്‍ പ്രധാനിയായിരുന്നു പാണ്ഡ്യ രാജാവ്. പാണ്ഡ്യരാജാവിനു വേണ്ടി പ്രതികാരം ചെയ്ത് ചോള വംശത്തെ ഇല്ലായ്മ ചെയ്യാൻ ഇറങ്ങിത്തിരിക്കുന്ന പാണ്ഡ്യന്മാര്‍ ഒരു വശത്ത്. മറുവശത്ത് രാജ്യത്തെ ആളുകളും. ഈ രണ്ട് പ്രശ്നങ്ങളെയും ചോളന്മാർ എങ്ങനെ തരണം ചെയ്തു മുന്നോട്ടുപോയി എന്നതാണ് സെൽവന്റെ കഥ. 'ബാഹുബലി'യുമായിട്ടൊന്നും 'പൊന്നിയിൻ സെല്‍വനെ' താരതമ്യം ചെയ്യരുത്. ഗംഭീര ക്ലൈമാസാണ്. ചിത്രം ഒരു മണിരത്നം മാജിക്കാണ്. എ ആര്‍ റഹ്‍മാന്റെ പശ്ചാത്തല സംഗീതവും ചിത്രത്തെ മറ്റൊരു തലത്തിലേക്ക് ഉയര്‍ത്തുന്നു. എടുത്ത് പറയേണ്ട മറ്റൊന്നാണ് സിനിമയുടെ കാമറ വർക്ക്. ചില സീനുകളൊക്കെ തിയേറ്ററിൽ നിന്ന് കാണുമ്പോ കിട്ടുന്ന ഒരു 'Impact' പറഞ്ഞാൽ മനസിലാകില്ല, കണ്ട് തന്നെ അറിയണം. തമിഴ് സിനിമയുടെ ചരിത്രത്തിലെതന്നെ ഒരപൂർവ മുഹൂർത്തമാണ് പൊന്നിയിൻ സെൽവൻ എന്നതിൽ‌ സംശയം വേണ്ട. അതിനു മുമ്പും പിൻപും എന്നു തമിഴ് സിനിമയെ പകുത്തേക്കാവുന്ന ഒരു നാഴികക്കല്ല്. . . . #PS1 #PonniyinSelvan #PonniyinSelvan1 #ManiRatnam #Newmovies #PS1review #PS1review #moviereviews #MalayalamMovie #Malayalammoviereview #MalayalamEntertainer #PonniyinSelvanreview #newmalayalammovie #KWtalkies #newmovie #malayalisnearme #malayalisnearmeapp #mnm