🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐊𝐚𝐚𝐭𝐡𝐚𝐥 𝐭𝐡𝐞 𝐜𝐨𝐫𝐞 (𝟐𝟎𝟐𝟑- 𝐌𝐚𝐥𝐚𝐲𝐚𝐥𝐚𝐦) 𝐈𝐌𝐃𝐛 𝟖.𝟐/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟖/𝟏𝟎 മാത്യു ദേവസ്സിയെ നിർബന്ധിച്ചാണ് പാർട്ടി തീക്കോയിലെ ഇടതുപക്ഷ സ്വതന്ത്ര സ്ഥാനാർത്ഥിയാക്കിയത്. എന്നാൽ പ്രചാരണം തുടങ്ങുംമുൻപാണ് ആ ഗ്രാമം ഞെട്ടുന്ന വാർത്ത വന്നത്. മാത്യുവിന്റെ ഭാര്യ വിവാഹ മോചനത്തിന് അപേക്ഷ കൊടുത്തുന്നു എന്നതിലുപരി അതിന്റെ കാരണമാണ് എല്ലാവരുടെയും ചർച്ചക്ക് കാരണമായത്. പള്ളിയിൽ വിവാദമായപ്പോൾ എതിർപാർട്ടിക്കാർ അത് ഒരു പ്രചാരണ ആയുധമാക്കി, എന്നാൽ അയാളുടെ പുരോഗമന പ്രസ്ഥാനം അയാളെ പിന്തുണച്ചതുമാത്രമല്ല ഈ ഒരു സ്ഥാനാർത്ഥിത്വത്തെ അവർ ഉയർത്തിപ്പിടിച്ചു. നിലവിലെ എല്ലാ സമവാക്യങ്ങളും തകർത്തിരിക്കുകയാണ് മമ്മൂക്ക. ഇതുപോലൊരു കഥാപാത്രം തിരഞ്ഞെടുക്കുന്നത് തന്നെ ഒരു ബെഞ്ച് മാർക്കാണ്, ഇത്തരമൊരു ചിത്രം നിർമ്മിച്ചു എന്നത് മറ്റൊന്നും. കയ്യടി അർഹിക്കുന്ന പ്രകടനം. മമ്മൂട്ടിയും അദ്ദേഹത്തിന്റെ മമ്മൂട്ടി കമ്പനിയും തീർച്ചയായും ചില വലിയ നേട്ടങ്ങൾ ഉണ്ടാക്കുന്നുണ്ട്. സൂപ്പർ താരം എന്ന മേലങ്കി അഴിച്ചുവെച്ച് കഥാപാത്രം മാത്രമായി മാറുന്ന പരകായ പ്രവേശം മാത്യുവിലൂടെ മമ്മൂട്ടി കൺമുന്നിൽ കാണിച്ചിരിക്കുന്നു. അധികം സംസാരിക്കാത്ത, ആളുകളുടെ മുഖത്തുപോലും ശരിക്കും നോക്കാത്ത, താൻ ഏത് അവസ്ഥയിലൂടെയാണ് കടന്നുപോകുന്നതെന്നുപോലും ശരിക്ക് മനസിലാവാത്ത മാത്യുവിനെ മമ്മൂട്ടി ഗംഭീരമാക്കിയിട്ടുണ്ട്. സ്വാതന്ത്ര്യം തേടുന്ന വീട്ടമ്മയാണ് ജ്യോതിക അവതരിപ്പിച്ച ഓമന. വിവാഹത്തിനുശേഷം ജീവിതത്തിലെ സന്തോഷം നിലച്ചവൾ. വർഷങ്ങൾക്കുശേഷമുള്ള മലയാളത്തിലേക്കുള്ള തന്റെ തിരിച്ചുവരവ് ഇങ്ങനെയൊരു സിനിമയിലെ കഥാപാത്രത്തിലൂടെയാണ് എന്നതിൽ ജ്യോതികയ്ക്ക് അഭിമാനിക്കാം. സാധാരണക്കാരിൽ സാധാരണക്കാരനായ തങ്കച്ചനെ അവതരിപ്പിച്ച സുധി കോഴിക്കോടും നിറഞ്ഞ കയ്യടി അർഹിക്കുന്നുണ്ട്. കലുഷിതമായ കുടുംബാന്തരീക്ഷത്തിലും വയലന്‍സില്ലാതെ കഥ റഞ്ഞുവെന്നതാണ് കാതലിന്റെ മറ്റൊരു മേന്‍മ. തന്റെ ഭര്‍ത്താവിന്റെത് ഗേ ഐഡന്‍ഡിറ്റിയാണെന്ന് കോടതിയില്‍ സ്ഥാപിക്കുന്നത് വിവാഹമോചനം നേടാന്‍ നേടാന്‍ വേണ്ടി മാത്രമല്ലായെന്ന് ഓമന മാത്യുവിനോട് പറയുന്നൊരു സീനുണ്ട് ഈ സിനിമയില്‍. 'എനിക്ക് മാത്രം മതിയോ രക്ഷപെടല്‍ മാത്യുവിനും രക്ഷപ്പെടണ്ടേ?' അതൊരു രാഷ്ട്രീയ ചോദ്യമാണ്. ആ രക്ഷപെടലാണ് സിനിമയുടെ കഥാന്ത്യം. . Follow Malayalis Near Me for more reviews! 🌐 . https://www.instagram.com/malayalisnearme.ca/ . . #KaathalMovie #MalayalamMovies #KaathaltheCore #Movies #KaathalReview #KaathalMovieReview #MovieReviews #MalayalamMovieReview #NewMalayalamMovie #CanadianMalayali #NewMovie #MalayalisNearMe #MalayalisNearMeApp #mnm #Review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐅𝐚𝐥𝐢𝐦𝐲 (𝟐𝟎𝟐𝟑- 𝐌𝐚𝐥𝐚𝐲𝐚𝐥𝐚𝐦) 𝐈𝐌𝐃𝐛 𝟕.𝟑/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟕.𝟓/𝟏𝟎 തന്റെ അവസാനത്തെ ആഗ്രഹങ്ങളിലൊന്നായ കാശിയാത്രക്ക് ഇറങ്ങി പുറപ്പെട്ട 82 കാരനായ ജനാർദ്ദനനെ റെയിൽവേ സ്റ്റേഷനിൽ നിന്ന് ഇളയകൊച്ചുമോൻ കണ്ടുപിടിക്കുന്നു. ഇത് 3 ആം തവണയാണ് കാശിയാത്രക്ക് ഇറങ്ങിയ ജനാർദ്ദനനെ വീട്ടുകാർ കണ്ടെത്തി തിരിച്ചുകൊണ്ടുവരുന്നത്. കാശിയിൽ കൊണ്ടുപോകാം എന്ന് കുടുംബാംഗങ്ങൾ പലതവണ പറയുന്നുണ്ടെങ്കിലും അവരുടെ സാമ്പത്തിക സ്ഥിതി അവരെ അതിനനുവദിക്കുന്നില്ല. ഡിഗ്രി പോലുമില്ലാതെ ഒരു ഡബ്ബിങ് ആർട്ടിസ്റ് ആകേണ്ടി വന്ന മൂത്തമകനും, യൂറോപ്പിലേക്ക് പോകാൻ തയ്യാറെടുക്കുന്ന ഇളയമകനും ഡിജിറ്റൽ പ്രസ്സുകൾ വന്നതോടെ സ്വന്തം പ്രസ് അടച്ചുപൂട്ടി മദ്യപാനിയായ അച്ഛനും, ഇവരെയൊക്കെ ഒരുമിച്ചു കൊണ്ടുപോകുന്ന, വേറൊരു പ്രെസ്സിൽ ജോലിചെയ്യുന്ന അമ്മയുമാണ് വീട്ടിലുള്ളത്. ഒരു ശരാശരി മിഡിൽ ക്ലാസ്സ്‌ മലയാളി പുരുഷന്റെ ജീവിത നൈരാശ്യങ്ങളെല്ലാം പേറുന്ന മൂത്തമകനായ അനൂപിന്റെ കല്യാണത്തിനോടനുബന്ധിച്ചു നടന്ന സംഭവങ്ങളാണ് അവസാനം ജനാർദ്ദനന്റെ കാശി യാത്രക്ക് വഴിയൊരുക്കുന്നത്. അനൂപിനും അപ്പൂപ്പനുമൊപ്പം കാശിക്ക് എല്ലാവരും തയ്യാറാകുന്നതോടെ കഥ ആരംഭിക്കുകയായി. ചന്ദ്രനെന്ന അച്ഛനായി ജഗദീഷും അനു ചന്ദ്രനെന്ന മകനായി ബേസില്‍ ജോസഫും എത്തുന്നെങ്കിലും ചിത്രത്തിലെ യഥാർഥ താരം ഇരുവരുമല്ല. അത് ജനാർദ്ദനനായി അഭിനയിച്ച മീനരാജ് പള്ളുരുത്തിയാണ്. വാർദ്ധക്യസഹജമായ പരാതികളും പയ്യാരം പറച്ചിലുകളുമില്ലാത്ത ജനാർദ്ദനൻ തന്നെയാണ് ചിത്രത്തിലെ സൂപ്പർ ഹീറോ. ഹോം സിനിമയിൽ ഇന്ദ്രന്‍സിന്റെ ഭാര്യയായ കുട്ടിയമ്മ എന്ന കഥാപാത്രത്തെ അവതരിപ്പിച്ച മഞ്ജു പിള്ളയുടെ അഭിനയ ജീവിതത്തിലെ കരിയർ ബ്രേക്ക് തന്നെയാണ് ഫാലിമി സിനിമയിലെ മഞ്ജു പിള്ളയുടെ രമ എന്ന കഥാപാത്രവും. കോമഡിയും വൈകാരിക രംഗങ്ങളും ഒരേപോലെ വഴങ്ങുന്ന മഞ്ജുപിള്ള ആ കഥാപാത്രം മികച്ചതാക്കിയിട്ടുമുണ്ട്. മറ്റുള്ളവരേയും അവനവനേയും കണ്‍ഫ്രണ്ട് ചെയ്യാന്‍ ബുദ്ധിമുട്ടുള്ള ബേസിലിന്റെ നായകന്‍ അദ്ദേഹത്തിന്റെ മുന്‍ കഥാപാത്രങ്ങളുടെ എക്‌സ്‌റ്റെന്‍ഷന്‍ ആണെങ്കില്‍ കൂടിയും മികച്ചൊരു സൃഷ്ടിയാണ്. അച്ഛനായുള്ള ജഗദീഷിന്റെ പ്രകടനവും ശ്രദ്ധേയമാണ് കേരളത്തിലെ കുടുസ്സു വീടും ശരാശരി ജീവിതവും ഇടുങ്ങിയ തൊഴിലിടവും കാണിച്ച അതേ ക്യാമറയില്‍ വാരാണസിയുടെ വിശാല ലോകത്തെ കൂടി ഒപ്പിയെടുക്കുമ്പോള്‍ തീര്‍ച്ചയായും അത്ഭുതപ്പെടും. തിരുവനന്തപുരത്തു നിന്നും വാരാണസിയിലേക്കുള്ള തീവണ്ടി, ബസ്, വാന്‍ യാത്രയും പ്രേക്ഷകരെ ബോറടിപ്പിക്കാതെ ചിത്രീകരിച്ചിട്ടുണ്ട്. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #FalimyMovie #MalayalamMovies #Falimy #Movies #FalimyReview #FalimyMovieReview #MovieReviews #MalayalamMovieReview#NewMalayalamMovie #CanadianMalayali #NewMovie #MalayalisNearMe #MalayalisNearMeApp #mnm #Review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐀𝐧𝐭𝐨𝐧𝐲 𝟐𝟎𝟐𝟑- 𝐌𝐚𝐥𝐚𝐲𝐚𝐥𝐚𝐦) 𝐈𝐌𝐃𝐛 𝟖.𝟕/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟖/𝟏𝟎 അവറാൻ സിറ്റി ഭരിക്കുന്ന സാത്താനായ ആന്റണി അന്ത്രപ്പേർ, സുഹൃത്തുക്കൾക്കും വേണ്ടപ്പെട്ടവർക്കും മാലാഖയാണ്. സ്വന്തമായി കെട്ടിപ്പടുത്ത ഒരു സാമ്രാജ്യത്തിൽ പണത്തിന്റെയും കൈക്കരുത്തിന്റെയും പര്യായമായി ജീവിക്കുന്ന ആന്റണി തന്റെ സുഹൃത്തിനു നേരിടേണ്ടി വന്ന ഒരു ആക്രമണത്തിന് പകരം ചോദിക്കുന്നിടത്തു നിന്നാണ് സിനിമ തുടങ്ങുന്നത്. ആ പ്രതികാരത്തിന് നിയമപരമായുള്ള പ്രത്യാഘാതങ്ങളെ കൂസലില്ലാതെ നേരിടുന്ന ആന്റണിക്ക് അപ്രതീക്ഷിതമായി മനസില്ലാമനസോടെ ഒരാളുടെ രക്ഷാകർത്താവിന്റെ ചുമതല കൂടെ വരുന്നു. ഉശിരൻ ബോക്സറായ ആൻ മരിയയായിരുന്നു അത്. ഇവർക്ക് രണ്ടുപേർക്കും ഉണ്ടായിരുന്നത് ജീവിതത്തെ പാടെ ഉലച്ച സംഭവങ്ങളായിരുന്നു. ബാലൻസ് ഷീറ്റ് നോക്കിയാൽ ചോരയുടെ മണം മാത്രം അവശേഷിക്കുമായിരുന്ന ആന്റണിയുടെ ജീവിതത്തിൽ ആൻ മരിയ വരുന്നതോടെ അയാൾക്ക് ഇഷ്ടപ്പെടാത്ത കുറെ മാറ്റങ്ങൾ വരുന്നു. ജോജുവിന്റെ കരിയറിൽ എന്നും ഓർത്തുവയ്ക്കാവുന്ന കഥാപാത്രമാണ് ആന്റണി അന്ത്രപ്പേർ. പൊറിഞ്ചു മറിയം ജോസിന് ശേഷം ജോജു ജോര്‍ജ് വീണ്ടും ജോഷിയുടെ ടൈറ്റില്‍ കഥാപാത്രമായി മാറുകയാണ് ആന്‍റണിയിലൂടെ. കാട്ടാളന്‍ പൊറിഞ്ചുവിനെപ്പോലെ തിരക്കഥയില്‍ വെയ്റ്റ് ഉള്ള കഥാപാത്രമാണ് ആന്‍റണിയും. ശരീരഭാഷയിലും ഡയലോഗ് ഡെലിവറിയിലും ജോജു എന്ന നടൻ ആർജ്ജിച്ചെടുത്ത മിതത്വവും കയ്യടക്കവും ആന്റണി എന്ന കഥാപാത്രത്തെ അതിഗംഭീര അനുഭവമാക്കുകയാണ്. ജോജുവും കല്യാണിയും ഒരുപോലെ ആക്ഷൻ രംഗങ്ങളിൽ കെെയടി നേടുന്നുണ്ട്. ബോക്സിങ്ങിൽ ഉൾപ്പടെ മികച്ച പ്രകടനം പുറത്തെടുക്കാൻ കല്യാണിക്കായി. അവറാൻ സിറ്റിയെന്ന പേരിനു കാരണഭൂതനായ അവറാച്ചൻ മുതലാളിയായി വിജയരാഘവനാണ് വേഷമിടുന്നത്. മാസ് സിനിമകളിൽ വെറും ഇമോഷനൽ ട്രാക്കിൽ ഒതുങ്ങിപ്പോകുന്ന സ്ത്രീകഥാപാത്രങ്ങളെയാണ് പൊതുവെ പ്രേക്ഷകർക്കു കണ്ടു പരിചയം. എന്നാൽ, ആന്റണിയിൽ ആക്‌ഷനിലും ഡയലോഗ് ഡെലിവറിയിലും ഇമോഷനൽ സീക്വൻസിലും ഒരുപോലെ തിളങ്ങുന്ന സ്ത്രീകഥാപാത്രങ്ങളെ കാണാം. കല്യാണിയുടെ ആൻ മരിയയും നൈല ഉഷ അവതരിപ്പിച്ച മായ എന്ന കഥാപാത്രവുമാണ് അതിനു ചുക്കാൻ പിടിക്കുന്നത്. ചാമിങ് പെർഫോമൻസാണ് സിനിമയിൽ നൈല ഉഷയുടേത്. മാസ് സിനിമകളിൽ ആവർത്തിക്കപ്പെടുന്ന പക, പ്രതികാരം, അതിജീവനം എന്ന ഫോർമുലയിൽ നിന്നുകൊണ്ടു തന്നെ വേറിട്ട ഇമോഷനൽ കഥ പറയാൻ കഥാകൃത്തിന് കഴിഞ്ഞിട്ടുണ്ട്. അതിന് ഗംഭീര ചലച്ചിത്രാവിഷ്കാരമാണ് സംവിധായകൻ ജോഷി ഒരുക്കിയിരിക്കുന്നതും. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #AntonyMovie #MalayalamMovies #Antony #Movies #AntonyReview #AntonyMovieReview #MovieReviews #MalayalamMovieReview#NewMalayalamMovie #CanadianMalayali #NewMovie #MalayalisNearMe #MalayalisNearMeApp #mnm #Review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐆𝐚𝐫𝐮𝐝𝐚𝐧 (𝟐𝟎𝟐𝟑- 𝐌𝐚𝐥𝐚𝐲𝐚𝐥𝐚𝐦) 𝐈𝐌𝐃𝐛 𝟕.𝟑/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟕/𝟏𝟎 കുറ്റാന്വേഷണ ചിത്രങ്ങളിൽ പുതുമ തേടുന്നവർക്ക് എന്നും വിശ്വസിക്കാവുന്ന സ്ഥലമാണ് കൊറിയൻ ചിത്രങ്ങൾ. അഞ്ചാം പാതിരായ്ക്ക് ശേഷം മിഥുൻ മാനുവൽ തോമസ് ഗരുഡനുമായി എത്തുമ്പോൾ ഒരു കൊറിയൻ ഇൻവെസ്‌റ്റിഗേറ്റീവ് മലയാളത്തിൽ കണ്ട ഫീലാണുള്ളത്. ഇന്റർയൂണിവേഴ്സിറ്റി കലോത്സവം കഴിഞ്ഞു മടങ്ങുന്ന തെരേസ എന്ന പെൺകുട്ടി ദാരുണമായി ബലാത്സഗപ്പെട്ടു ആശുപത്രിയിലാകുന്നു. ചൂടേറിയ വിഷയമായതിനാൽ സുരേഷ് ഗോപിയുടെ ഡിസിപി ഹരീഷ് മാധവനും സംഘവും വളരെ വേഗം തന്നെ കൊലയാളിയിലേക്കെത്തുന്നു. എന്നാൽ താനല്ല കൊലയാളി എന്ന് കുറ്റവാളിയും കോളേജ് പ്രൊഫെസ്സറുമായ ബിജു മേനോൻ അവതരിപ്പിക്കുന്ന നിഷാന്ത് വളരെ അക്ഷമനായി ആവർത്തിച്ചു പറഞ്ഞെങ്കിലും DCP ഹരീഷിന്റെ അഹംഭാവം അത് മുഖവിലയ്‌ക്കെടുത്തില്ല. എന്നാൽ ഏഴുവർഷങ്ങൾ കഴിഞ്ഞു നിഷാന്ത് പുറത്തിറങ്ങിയത് മുതൽ ഹരീഷിന്റെ കിരീടത്തിലെ പൊൻതൂവൽ മുള്ളായി മാറുകയായിരുന്നു. സാധാരണമായൊരു പ്ലോട്ടിൽനിന്ന് ഉരുവാക്കപ്പെട്ട അസാധാരണമായൊരു ത്രില്ലർ സിനിമയാണ് ഗരുഡൻ. തീർന്നു എന്ന് കല്പിക്കപ്പെടുന്നിടത്ത് നിന്നും തുടങ്ങുക. എല്ലാം അവസാനിച്ചു എന്ന് പ്രേക്ഷകരെ കൊണ്ട് പറയിപ്പിക്കുക. അവിടെ മറ്റൊരു ട്വിസ്റ്റുമായി വീണ്ടും മുന്നോട്ടുപോവുക. പ്രതി വാദിയും, വാദി പ്രതിയുമായി മാറിമറിയുന്ന മായക്കാഴ്ചയിലൂടെ പ്രേക്ഷകരുടെ ഉദ്വേഗം അൽപ്പം പോലും കെടാതെ നിലനിർത്തുക. ക്രൈം ത്രില്ലറിനെ പോലീസും കള്ളനും കളിയിൽ നിന്നും പുറത്തുകൊണ്ടുവരിക. ഇതാണ് ചിത്രത്തിന്റെ ട്രീറ്റ്‌മെന്റ്. തമ്പുരാൻ വേഷങ്ങൾ മോഹൻലാലിന്റേയും അച്ചായൻ വേഷങ്ങൾ മമ്മൂട്ടിയുടേയും മാസ്റ്റർ പീസുകളാണെങ്കിൽ മലയാളത്തിന്റെ ഒഫീഷ്യൽ പൊലീസുകാരനാണ് സുരേഷ് ഗോപി. മാസ്സ് പോലീസ് വേഷങ്ങളിൽ നിന്ന് ട്രാക്ക് മാറ്റി കുറച്ചു കൂടി വികാരങ്ങളിൽ വേരൂന്നി ചിന്തിക്കുന്ന ഒരു പൊലീസുകാരനായി അദ്ദേഹത്തെ ഈ സിനിമയിൽ കാണാം. നാളുകൾക്ക് ശേഷം ബിജു മേനോന്റെ ഒരു വേഷപ്പകർച്ച കോളേജ് പ്രഫസറായ നിശാന്ത് എന്ന കഥാപാത്രത്തിൽ തെളിയുന്നു. അഞ്ചാം പാതിരയുടെ പോലെ എന്നും മനസ്സിൽ നിൽക്കുന്ന ഒരു BGM ഒന്നും അല്ലെങ്കിലും തിരക്കഥയെ മികച്ച രീതിയിൽ പ്രേക്ഷകരിലേക്കെത്തിക്കാൻ ജേക്സ് ബിജോയിക്ക് സാധിച്ചിട്ടുണ്ട്. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #Garudanmovie #Malayalammovies #Garudan #movies #Garudaneview #Garudanmoviereview #moviereviews #Malayalammoviereview#NewMalayalamMovie #canadianmalayali #newmovie #malayalisnearme #malayalisnearmeapp #mnm #review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐋𝐞𝐨 (𝟐𝟎𝟐𝟑- 𝐓𝐚𝐦𝐢𝐥) 𝐈𝐌𝐃𝐛 𝟗.𝟐/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟖.𝟖/𝟏𝟎 ഹിമാചൽ പ്രദേശിലെ ഒരു കോഫീ ഷോപ്പ് ഉടമയും അനിമൽ റെസ്‌ക്യൂവറുമായ പാർത്ഥിപൻ തന്റെ കുടുംബത്തോടൊപ്പം ഇരുപതുവർഷമായി ഇവിടെ താമസിക്കുന്നു. നാട്ടിലിറങ്ങിയ ഒരു കഴുതപ്പുലി (Heyna) യെ അതി സാഹസികമായി പിടികൂടിയ പാർത്ഥിപൻ ഒരു ഹീറോയായി മാറി. എന്നാൽ അസമയത്ത് തന്റെ കോഫി ഷോപ്പിലുണ്ടായ ഒരു സംഭവം പാർഥിപനെ അതിലും വലിയ അനിഷ്ട സംഭവങ്ങളിലെക്കാണ് നയിച്ചത്. തന്റെ ഇന്റർവ്യൂകളിൽ ലോകേഷ് പറഞ്ഞ ഒരിക്കലും മിസ് ചെയ്യാൻ പാടില്ലാത്ത ഈ പത്തു മിനുട്ടിൽ നിന്നാണ് കഥ തുടങ്ങുന്നത്. ആരാണ് ഈ ലിയോ? അയാളെ കൊല്ലാൻ ഇത്രയുമധികം ആളുകൾ വരുന്നതെന്തിന്? ലിയോയും പാർഥിപനും തമ്മിലുള്ള ബന്ധം എന്താണ് എന്നൊക്കെയുള്ള ചോദ്യങ്ങളുമായി ആദ്യപകുതി അവസാനിക്കുമ്പോൾ പ്രേക്ഷകർ കാത്തിരുന്ന ലിയോയുടെ കഥയുമായി രണ്ടാം പകുതി ആരംഭിക്കുന്നു. ലോകേഷ് കനകരാജ് എന്ന ബ്രാൻഡ്. വിജയ് എന്ന സൂപ്പര്‍ താരം, സംവിധായകൻ ലോകേഷ്കെ ട്ടിപ്പടുത്ത സിനിമാ പ്രപഞ്ചമായ എല്‍സിയു എന്ന മൂന്നക്ഷരങ്ങൾ എന്നിവയൊക്കെ ധാരാളമാണ് ലിയോയ്ക്ക് ടിക്കറ്റ് എടുക്കാൻ. തലപതിയുടെ മാസ്സ് ക്ലീഷേകൾ മാറ്റി വെപ്പിച്ചു വിജയ് എന്ന നടനെ ലോകേഷ് ഇറക്കിയപ്പോൾ കൈതിയും വിക്രമും തന്ന ഒരു LCU മാസ്സ് അനുഭവം നഷ്ടമായെങ്കിലും കുടുംബസ്ഥനായ കഥാപാത്രമായി ചിത്രത്തില്‍ വിജയ് ശോഭിക്കുന്നു. അപ്പോഴും ആക്ഷനുകളില്‍ കസറുന്ന നായകനായി രണ്ടാം പകുതിയിൽ വിജയ് പഴയ ആക്ഷൻ ഹീറോയാകും. ഏറ്റവും കൂടുതൽ remake ചെയ്യപ്പെട്ട 'History of Violence' എന്ന സിനിമയുടെ കഥയെ അടിസ്ഥാനമാക്കി ലോകേഷ് എഴുതിയ രംഗങ്ങൾക്ക് തീപ്പൊരി പകർന്നു കൊടുത്തത് അനിരുദ്ധിന്റെ ബിജിഎം തന്നെയാണ്. ഒറിജിനലിനെ വെല്ലുന്ന ഗ്രാഫിക്സുകളും 'seat edge thrilling' തന്നെയാണ്. ആക്ഷൻ മേക്കിങ്ങിലെ പുതിയ രാജാക്കന്മാരായ അൻപറിവ് ഇതിലും തങ്ങളുടെ കൈമുദ്ര പതിപ്പിച്ചിട്ടുണ്ട്. സിനിമ LCU ആണോ അല്ലയോ എന്ന ചോദ്യത്തിനുത്തരം ഒരു സിനിമ ടിക്കറ്റ് ദൂരത്തിനപ്പുറമുണ്ട്. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #Leomovie #Tamilmovies #Leo #movies #Leoreview #leomoviereview #moviereviews #Malayalammoviereview#NewtamilMovie #canadianmalayali #newmovie #malayalisnearme #malayalisnearmeapp #mnm #review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐊𝐚𝐧𝐧𝐮𝐫 𝐒𝐪𝐮𝐚𝐝 (𝟐𝟎𝟐𝟑- 𝐌𝐚𝐥𝐚𝐲𝐚𝐥𝐚𝐦) 𝐈𝐌𝐃𝐛 𝟖.𝟖/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟖.𝟓/𝟏𝟎 ചില രാഷ്ട്രീയ കൊലപാത പ്രതികളെ പിടിക്കാനായി ASI ജോർജും സംഘവും ഒരു ഇൻഫോർമർ വഴി കേരള കർണാടക അതിർത്തിയിൽ കാടിനുള്ളിലെ ഒരു വീട്ടിലെത്തുന്നു. നായയും നാടൻ ബോംബും കത്തിയും വാളുമെല്ലാം നിറഞ്ഞ ഒരു കിടിലൻ ആക്ഷൻ കഴിഞ്ഞു പ്രതികളെ പിടികൂടുമ്പോഴാണ് ദിവസങ്ങൾ പഴക്കം ചെന്ന ഒരു മൃതദേഹം ജോർജ്‌ കാണുന്നത്. ആത്മഹത്യ എന്ന് ലോക്കൽ പോലീസ് വിധിയെഴുതിയപ്പോഴും തന്റെ പ്രാഥമിക പരിശോധനയിൽ അതൊരു കൊലപാതകമാണെന്ന് തിരിച്ചറിഞ്ഞ ജോർജ് തന്റെ മേലധികാരിയിൽ നിന്ന് അനുവാദം വാങ്ങി തന്റെ ടീമിനൊപ്പം നടത്തുന്ന അന്വേഷണമാണ് കണ്ണൂർ സ്‌ക്വാഡ് ആരാണെന്നു കാണിച്ചു തരുന്നത്. തങ്ങൾ മനുഷ്യന്മാർ മാത്രമല്ല, പോലീസുകാർ കൂടെയാണ് എന്ന് പറയുമ്പോഴും തങ്ങളിലൊരാളുടെ കൈക്കൂലിക്കേസിൽ അവരെല്ലാവരും പഴികേട്ട് വീട്ടിലിരിക്കേണ്ടി വരുമ്പോൾ, അതിമാനുഷികത നഷ്ടപ്പെട്ട ആ പൊലീസുകാരെ വെറും മനുഷ്യരായി കാണാം. ഈ അവസ്ഥയിലാണ് നാടിനെ നടുക്കിയ ആ കൊലപാതകവും കവർച്ചയും നടത്തിയ പ്രതികളെ 10 ദിവസത്തിനുള്ളിൽ കണ്ടെത്താൻ അവരെ തേടി ആ മിഷൻ വരുന്നത്. കടുത്ത രാഷ്ട്രീയസമ്മർദം കാരണം ഈ കേസ് ഉടനെ തെളിയിക്കേണ്ടത് ഭരണകൂടത്തിന് അത്യാവശ്യമാണ്. അഴിമതി ആരോപണങ്ങളെ മറികടക്കാൻ കണ്ണൂർ സ്ക്വാഡിനും ഈ കേസ് ഒരു പിടിവള്ളിയാണ്. ആദ്യ ദിവസങ്ങളിൽ തന്നെ അവർ സുപ്രധാന തുമ്പുകൾ കണ്ടെത്തുന്നു. തുടർന്നങ്ങോട്ടുള്ള അന്വേഷണത്തിന് തങ്ങളുടെ ടീമിലെ അഞ്ചാമനായ ആ വെള്ള ടാറ്റ സുമോയിൽ അവർ കുറ്റവാളികളെ തേടിയുള്ള വേട്ട ആരംഭിക്കുന്നു. അതിർത്തികൾ കടന്ന്, ഭാഷയറിയാത്ത നാട്ടിലൂടെ കൊടുംകുറ്റവാളികളെ വേട്ടയാടാനിറങ്ങുന്ന ഒരു കൂട്ടം സാധാരണ പൊലീസുകാർ. കുറ്റവാളികൾ തിങ്ങിപ്പാർക്കുന്ന ഉത്തരേന്ത്യൻ ‍ഗ്രാമങ്ങളിൽ അവർ ചിലസമയം ഇരകളായി മാറുന്നു. പക്ഷേ മുന്നിൽനിന്ന് നയിക്കാൻ ഒരു ലീഡർ തലയുയർത്തിപ്പിടിച്ചുനിൽക്കുന്നതു കൊണ്ട് മാത്രംപ്രതിസന്ധികളെ അതിജീവിക്കുകയാണ്. വളരെ വൃത്തിയുള്ള പൊലീസ് കഥയാണ് കണ്ണൂർ സ്ക്വാഡിന്റേത്. ഛായാഗ്രാഹകനായ റോബി വർഗീസ് രാജ് ആദ്യമായി സംവിധാനം ചെയ്ത ചിത്രം സാങ്കേതികത്തികവുള്ളതാക്കാൻ പരമാവധി അധ്വാനിച്ചിട്ടുണ്ട്. അതു സ്ക്രീനിൽ കാണാനുമുണ്ട്. ഒരു കുറ്റകൃത്യം സംഭവിച്ചാൽ സാധാരണയായി പൊലീസ് ക്രൈം സ്ക്വാഡ് പിന്തുടരുന്ന അന്വേഷണരീതികൾ യഥാർഥത്തിൽ എങ്ങനെയാണോ, അതേ രീതിയിൽ അവതരിപ്പിക്കുന്നുണ്ട്. റോണി ഡേവിഡ്, ശബരീഷ് വർമ്മ, അസീസ് നെടുമങ്ങാട് എന്നിവർ അഭിനയത്തിൽ ഒരു വിട്ടു വീഴ്ചയും വരുത്തിയിട്ടില്ല. കൂടെ കിടിലൻ ഷോട്ടുകളും സീനുകൾ ഗംഭീരമാക്കാൻ സുഷിൻശ്യാമിന്റെ ബിജിഎമും. വർഷങ്ങൾക്ക് ശേഷം യവനികയിലെ പോലെ ഒരു കണിശതയാർന്ന പോലീസുകാരനായി മമ്മൂക്കയെ ഇതിൽ കാണാം. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #KannurSquadmovie #Malayalammovies #KannurSquad #movies #KannurSquadreview #KannurSquadmoviereview #moviereviews #Malayalammoviereview#NewmalayalamMovie #canadianmalayali #newmovie #malayalisnearme #malayalisnearmeapp #mnm #review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 𝐌𝐚𝐫𝐤 𝐀𝐧𝐭𝐨𝐧𝐲 (𝟐𝟎𝟐𝟑- 𝐓𝐚𝐦𝐢𝐥) 𝐈𝐌𝐃𝐛 𝟕.𝟑/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟕/𝟏𝟎 80 90 കാലഘട്ടത്തിൽ നടക്കുന്ന ഒരു കഥയാണിത്. വളരെ നാളത്തെ ശ്രമത്തിനു ശേഷം ശാസ്ത്രജ്ജനായ ചിരഞ്ജീവി തന്റെ ടൈം ട്രാവൽ ഫോൺ കണ്ടു പിടിക്കുന്നു. അതിന്റെ സന്തോഷത്തിൽ ക്ലബ്ബിൽ ആഘോഷിക്കാൻ പോയ ചിരഞ്ജീവി ചെന്ന് പെട്ടത് ആന്റണി-ജാക്കി ഗാങിനെ കൊല്ലാൻ ഏകാംബരം നടത്തിയ ആക്രമണത്തിനിടയിലാണ്. ആന്റണിക്കൊപ്പം അബദ്ധത്തിൽ ചിരഞ്ജീവിയും കൊല്ലപ്പെടുന്നു. ആന്റണിയുടെ മരണത്തിൽ വെറിപൂണ്ട ജാക്കി നടത്തിയ പ്രതികാരങ്ങൾ അയാളെ ഗാംഗ്സ്റ്ററുകളുടെ ഗോഡ് ഫാദർ ആക്കി. വർഷങ്ങൾക്ക് ശേഷം ഈ ടൈം ട്രാവൽ ഫോൺ അച്ഛനെ വെറുക്കുന്ന ആന്റണിയുടെ മകന് കിട്ടി. ഭൂതകാലത്തിലേക്ക് വിളിക്കാൻ പറ്റുന്ന ഈ ഫോൺ അവൻ ഉപയോഗിക്കുമ്പോൾ മാറി മാറി മറഞ്ഞത് അവന്റെ മാത്രം ജീവിതമല്ല, ആന്റണിയെയും ജാക്കിയെയും ബന്ധമുള്ള എല്ലാവരുടെയും കൂടെയായിരുന്നു. ആന്റണിയുടെ മകൻ മാർക്ക് ആയും ജാക്കി പാണ്ഡ്യന്റെ മകൻ മദനായും വിശാലും എസ്.ജെ. സൂര്യയും തന്നെ ഇരട്ടവേഷങ്ങളിലെത്തുന്നു. 1975ലും 1995ലും നടക്കുന്ന കഥയായാണ് മാർക്ക് ആന്റണിയെ സംവിധായകൻ അവതരിപ്പിച്ചിരിക്കുന്നത്. എണ്‍പത്, തൊണ്ണൂറ് കാലഘട്ടങ്ങളിലെ സിനിമകളുടെ മേക്കിങ് ശൈലികളെ അനുകരിച്ച് സ്പൂഫ് രീതിയാണ് ആവിഷ്കരിച്ചിരിക്കുന്നത്. എസ്ജെ സൂര്യയുടെ പെര്‍ഫോമന്‍സാണ് ചിത്രത്തിന്‍റെ എടുത്തുപറയേണ്ട കാര്യം. ചിത്രത്തിലെ ആന്‍റണി എന്ന നായകനായി വിശാല്‍ ഉണ്ടെങ്കിലും പലയിടത്തും എസ്ജെ സൂര്യ വിശാലിനെ കവച്ചുവയ്ക്കുന്ന പെര്‍ഫോമന്‍സാണ് കാണിക്കുന്നത്. രണ്ടാം പകുതി കഴിഞ്ഞാൽ എസ്.ജെ. സൂര്യയുടെ അഭിനയ വിളയാട്ടമാണ് കാണാനാകുക. ഇരുനില ബസിൽ സിൽക്ക് സ്മിതയെ കാണുന്ന രംഗത്തിലുള്ള അദ്ദേഹത്തിന്റെ പ്രകടനമൊക്കെ ഒരു ഉദാഹരണം മാത്രം GV പ്രകാശിന്റെ പശ്ചാത്തല സംഗീതം സീനുകൾ വേറെ ലെവലിൽ എത്തിക്കുന്ന ഈ സിനിമ ലോജിക്കുകൾ മാറ്റിവച്ച് പ്രേക്ഷകര്‍ക്ക് മതിമറന്ന് ആസ്വദിക്കാന്‍ കഴിയുന്ന കമേഴ്സ്യൽ എന്റർടെയ്നറാണ്. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #MarkAntonymovie #Tamilmovies #MarkAntony #movies #MarkAntonyeview #markAntotnymoviereview #moviereviews #Tamilmovies #Tamilmoviereview #TamilEntertainer #NewTamilmovie #canadianmalayali #newmovie #malayalisnearme #malayalisnearmeapp #mnm #review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 RDX (2023- Malayalam) IMDb 8.2/10⭐ MNM rating 8/10 പള്ളിയിൽ നടന്ന അടിയുടെ ബാക്കിയായി ഡോണിയുടെ വീട്ടിൽ കുറച്ചു പേര് വരുന്നു. വീട്ടിലുണ്ടായിരുന്ന എല്ലാവരെയും മർദിച്ച അവരെ ഡോണി തിരിച്ചു തല്ലിയെങ്കിലും ഡോണിയുടെ കുഞ്ഞുൾപ്പടെ എല്ലാവരും മാരകമായി പരുക്കേൽറ്റ് ആശുപത്രിയിലായി. വർഷങ്ങൾക്ക് മുൻപ് നാട്ടിൽ നിന്ന് പോയ, ഡോണിയുടെ സഹോദരനായ റോബർട്ടിനെയും. കുറച്ചു നാളായി ബന്ധമില്ലാത്ത അവരുടെ ഉറ്റ സുഹൃത്തായ സേവ്യറിനെയും ആരോ വിവരം അറിയിക്കുന്നു. വീട്ടിൽ കയറിവരെ തൂക്കാൻ ഇവർ മൂവരും ഒന്നിക്കാൻ പോകുന്നു എന്ന വാർത്ത പരന്നതോടെ ഇവർ ആരായിരുന്നു എന്ന കഥ ആരംഭിക്കുകയായി. സേവ്യേറിന്റെ അച്ഛന്റെ മാർഷൽ ആർട്സ് ട്രെയിനിങ് സെന്ററിൽ ട്രെയിനിങ് നേടിവന്ന ഇവരുടെ സൗഹൃദത്തിന്റെ ചുരുക്കപ്പേരാണ് RDX. മാസ് ആക്ഷൻ രംഗങ്ങൾ കൊണ്ട് ചിത്രം സമ്പന്നമാണ് ചിത്രം. അടിയും ഇടിയും തീപ്പൊരി രംഗങ്ങളും മാത്രമല്ല പ്രണയവും കുടുംബ ബന്ധങ്ങളും സൗഹൃദങ്ങളും എല്ലാം കഥയ്ക്ക് പശ്ചാത്തലമാകുന്നുണ്ട്. പുതുമയില്ലാത്ത കഥ ആണെങ്കിലും ഈ സിനിമയെ പുത്തനാക്കുന്നത് ഇതിന്റെ മേക്കിങ് തന്നെയാണ്. അതിൽ എടുത്തുപറയേണ്ടത് സംഘട്ടന രംഗങ്ങളാണ്. ആക്ഷൻ രംഗങ്ങളില്‍ നായകൻമാരുടെയും വില്ലന്മാരുടെയും പ്രകടനത്തിന്റെ ക്രെഡിറ്റും നൽകേണ്ടത് ആക്ഷൻ രംഗം കൊറിയോഗ്രാഫി ചെയ്‍ത അൻപറിവിനാണ്. കെജിഎഫിനും വിക്രത്തിനുമൊക്കെ ആവേശകരമായ സംഘട്ടനരംഗങ്ങളൊരുക്കിയ അൻപറിവ് അതിൽ നിന്നെല്ലാം വ്യത്യസ്തമായി പുതിയ പരീക്ഷണങ്ങളുമായാണ് ആർ ഡി എക്സിൽ ഉള്ളത്. ചടുലമായ എഡിറ്റിങ്ങും ആര്‍ട് വർക്കുംഛായാഗ്രഹണവും എടുത്തു പറയേണ്ടവ തന്നെയാണ് നായകന്മാരോളം തന്നെ പ്രാധാന്യമർഹിക്കുന്നു വിഷ്ണു അഗസ്ത്യ അവതരിപ്പിച്ച പോൾസൺ എന്ന വില്ലനും. എതിർപക്ഷത്തുള്ള വില്ലൻ ശക്തനായാൽ മാത്രമേ നായകന്മാർക്കും കെട്ടുറപ്പുള്ളൂ എന്ന് പറയുന്നതുപോലെ പോൾസൺ തികച്ചും ശക്തനാണ്. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #RDXmovie #malayalammovies #RDX #movies #RDXreview #RDXmoviereview #moviereviews #malayalammovies #malayalammoviereview #MalayalamEntertainer #newmalayalammovie #canadianmalayali #newmovie #malayalisnearme #malayalisnearmeapp #mnm #review

𝐊𝐢𝐧𝐠 𝐨𝐟 𝐊𝐨𝐭𝐡𝐚 (𝟐𝟎𝟐𝟑- 𝐌𝐚𝐥𝐚𝐲𝐚𝐥𝐚𝐦, 𝐓𝐚𝐦𝐢𝐥, 𝐊𝐚𝐧𝐧𝐚𝐝𝐚, 𝐓𝐞𝐥𝐮𝐠𝐮, 𝐇𝐢𝐧𝐝𝐢) 𝐈𝐌𝐃𝐛 𝟔.𝟓/𝟏𝟎⭐ 𝐌𝐍𝐌 𝐫𝐚𝐭𝐢𝐧𝐠 𝟕.𝟖/𝟏𝟎 ബ്രിട്ടീഷ് ഭരണകാലത്തെ ശവപ്പറമ്പ് ആയിരുന്നു കൊത്ത എന്ന് പറയുന്ന ഈ സാങ്കല്പിക ഗ്രാമം. അവിടേക്ക് വന്ന പുതിയ സി ഐ ഷാഹുൽ ഹസന് കൊത്തയിലെ ക്രിമിനലുകളുടെ തലവനായ കണ്ണൻ ഭായിയുടെ ചെയ്തികൾക്ക് മുന്നിൽ പിടിച്ചു നില്കാനാകാതെ വന്നപ്പോൾ എസ് ഐ ആയ ടോണിയാണ് തന്റെയും കണ്ണൻ ഭായിയുടെയും സുഹൃത്തായ കൊത്തയിലെ കിരീടം വെക്കാത്ത രാജാവായ രാജുവിന്റെ കഥ പറയുന്നത്. ഒരുകാലത്ത് നാടിനെതന്നെ വിറപ്പിച്ചിരുന്ന രവി എന്ന ഗുണ്ടയായിരുന്ന തന്റെ അപ്പനെ കണ്ടുവളർന്ന രാജുവിന്റെ യൗവനവും പ്രണയവും സൗഹൃദവും ചോരത്തിളപ്പിന്റെ ആവേശവുമൊക്കെയാണ് ആ ഫ്ലാഷ് ബാക്കിൽ പറഞ്ഞു പോകുന്നത്. പക്ഷേ രാജുവിന്റെ ആ യൗവനം അത്ര സുഖകരമല്ല. അച്ഛനെക്കാൾ വലിയ ഗുണ്ടയായി വീട്ടിൽ നിന്നും ഇറങ്ങി പോന്ന രാജു ജീവിതം ആഘോഷിക്കുകയായിരുന്നു. എന്നാൽ അവൻ സ്നേഹിച്ചവർ തന്നെ അവനെ ഓരോ വിധത്തിൽ ചതിച്ചതോടെ കൊത്ത വിട്ടു പോയ രാജു പിന്നീട് തിരിച്ചു വന്നില്ല.കൊത്തയിൽ രാജുവില്ലാതെ കണ്ണൻ ഭായിയെ തകർക്കാൻ പറ്റില്ലാ എന്ന് മനസിലാക്കുന്ന ഷാഹുൽ ഒരു ടോണിയുടെ സഹായത്തോടെ ഒരു പദ്ധതി തയ്യാറാക്കുന്നു. രാജുവിന്റെ തിരിച്ചുവരവിലാണ് സിനിമയുടെ പേസ് മാറുന്നത്. അടിമുടി ഗ്യാങ്സ്റ്റർ സിനിമയായി മാറുമ്പോഴും മൂന്നു മണിക്കൂർ കാണികളെ പിടിച്ചിരുന്ന മേക്കിങ് ആണ് സിനിമയുടേത്. സജിത മഠത്തിൽ, നൈല ഉഷ എന്നിവരുടെ അഭിനയം എടുത്തു പറയേണ്ട ഒന്നാകുമ്പോൾ ദുൽക്കർ സ്‌ക്രീനിൽ നിറഞ്ഞു നിൽക്കുന്നു.എസ് ഐ ടോണി ടൈറ്റസ് ഗോകുല്‍ സുരേഷിന് മികച്ച സ്ക്രീന്‍ സ്പേസ് കൊടുക്കുന്ന കഥാപാത്രമാണ്. പുതുമയില്ലാത്ത കഥയാണെങ്കിലും അതിനെ മറികടന്നു സിനിമയെ മികച്ചതാക്കുന്നത് സൗണ്ട് എഫ്ഫക്റ്റ്, പശ്ചാത്തല സംഗീതം, കാമറ, എഡിറ്റിംങ് എന്നിവയാണ്. മൊത്തത്തിൽ ഒരു ആക്ഷൻ ഫാമിലി പാക്ക് ആണ് കൊത്തയും കൊത്തയുടെ രാജാവും. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #kingofkothamovie #malayalammovies #kingofkothamovie #movies #kingofkothareview #KoKreview #moviereviews #malayalammovies #malayalammoviereview #MalayalamEntertainer #newmalayalammovie #canadianmalayali #newmovie #malayalisnearme #malayalisnearmeapp #mnm #review

🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 Journey of Love 18+ (2023- Malayalam) IMDb 8.5/10⭐ MNM rating 7.5/10 വടക്കൻ കേരളത്തിലെ പാർട്ടിഗ്രാമത്തിലെ പ്രവർത്തകർ കൂടിയാണ് അഖിലും ആതിരയും. നിഷ്കളങ്കനായ അഖിലിനോട് അതിരയ്ക്ക് തോന്നിയ പ്രണയം അഖിലിന് തിരിച്ചു തോന്നാൻ വലിയ താമസമില്ലായിരുന്നു. എന്നാൽ പാർട്ടി നേതൃത്വ സ്ഥാനമുള്ള ആതിരയുടെ അച്ഛനുൾപ്പടെയുള്ള അവരുടെ 'കമ്മ്യൂണിസ്റ്റ്' കുടുംബം ഈ ബന്ധം എതിർത്തു. ജാതി, സാമ്പത്തികം തുടങ്ങിയവയിലെ അന്തരം കാരണം വീട്ടുകാർ തങ്ങളുടെ വിവാഹത്തിന് സമ്മതിക്കില്ല എന്നുമനസ്സിലായതോടെ ഇരുവരും ഒളിച്ചോടി വിവാഹം കഴിക്കാൻ തീരുമാനിക്കുന്നു. എന്നാൽ എങ്ങനെ ഒളിച്ചോടണം ഏതുവിധത്തിൽ പദ്ധതികൾ ഒരുക്കണമെന്ന കാര്യത്തിൽ ധാരണയില്ലാത്ത അവർ സഹായത്തിനായി കൂടെ കൂട്ടുന്നത് രാജേഷിനെയാണ് (ബിനു പപ്പു ). അന്നാട്ടിൽ ഒളിച്ചോടി വിവാഹം കഴിച്ചതിന്റെ പേരിൽ വിപ്ലവം സൃഷ്ടിച്ച രാജേഷ് കൂടി അവർക്ക് ഒപ്പം സഹായത്തിനെത്തുന്നതോടെ പിന്നെ കാണാനാവുന്നത് ഒളിച്ചോട്ടത്തിനുള്ള വെപ്രാളപാച്ചിലുകളും, അവർ ചെന്ന് ചാടുന്ന പ്രശ്നങ്ങളും, പ്രശ്നങ്ങളെ തുരുത്തുവാനുള്ള ശ്രമങ്ങളുമൊക്കെയായുള്ള നിരവധി നർമ്മ മുഹൂർത്തങ്ങളാണ്. 2009 കാലഘട്ടം പശ്ചാത്തലമായ റൊമാന്റിക് കോമഡി എന്റര്‍ടെയ്നറാണ് 18+. എപ്പോഴത്തെയും പോലെയുള്ള മാത്യൂസ് നസ്ലിൻ കോമ്പൊയിൽ ഇത്തവണ കാമുകൻ റോൾ കിട്ടിയത് നസ്ലിനാണ്. ഇതുവരെ കാണാത്ത കലിപ്പൻ യുവ കമ്മ്യൂണിസ്റ്റായി മാത്യൂസ് മാറി.സോഷ്യൽമീഡിയയിലൂടെ ശ്രദ്ധേയരായ സാഫ് സഹോദരങ്ങൾ നസ്‍ലെന്റെ സുഹൃത്തുക്കളായി എത്തുന്നു. ഇവരാണ് സിനിമയിലെ ചിരിതാരങ്ങൾ. കണ്ടു പരിചയിച്ച പ്രേമവും ഒളിച്ചോട്ടവും തന്നെയാണ് കഥാതന്തു എങ്കിലും അതിനെ 'ഫ്രഷ്' ആകുന്നത് ഇതിലെ താരങ്ങളും അവരുടെ അഭിനയും തന്നെയാണ്. സിനിമയുടെ കാലഘട്ടവും മറ്റൊരു കാരണം തന്നെയാണ്. 2009 ലെ കീപാഡ് ഫോണുകളും ബൈക്കുകളും സിനിമാ പോസ്റ്ററുകൾ വരെ ഇതിൽ കാണാം. കോമഡി ഡ്രാമ ഗണത്തിൽ പെടുത്താവുന്ന ഈ സിനിമയിൽ സ്റ്റാറ്റസിലെ വ്യത്യാസങ്ങൾ, ജാതിബോധം, ജാതിവിവേചനം തുടങ്ങിയ വിഷയങ്ങളെല്ലാം തന്നെ ചർച്ച ചെയ്യുന്നുണ്ട്. യഥാർത്ഥ കമ്മ്യൂണിസ്റ്റ് എന്താണെന്ന് പറയാതെ പറഞ്ഞാണ് ഈ സിനിമ അവസാനിക്കുന്നത്. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #journeyofloveeighteenplusmovie #malayalammovies #journeyoflove18+movie #movies #journeyofloveeighteenplusreview #journeyoflove18+review #moviereviews #malayalammovies #malayalammoviereview #MalayalamEntertainer #newmalayalammovie #canadianmalayali #newmovie #malayalisnearme #malayalisnearmeapp #mnm #review