🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿 Kerala Crime Files- Web Series (2023- Malayalam) IMDb 9/10⭐ MNM rating 9/10 2010 ലാണ് ഈ കഥ നടക്കുന്നത്. എറണാകുളം നഗരത്തിലെ ഒരു മൂന്നാം കിട ലോഡ്ജിന്റെ നടത്തിപ്പുകാരൻ മുറികൾ പരിശോധിക്കുമ്പോഴാണ് ഒരു അജ്ഞാത സ്ത്രീയുടെ മൃതദേഹം കാണുന്നത്. കഴുത്തിൽ അവരുടെ തന്നെ സാരീ ഉപയോഗിച്ച് ശ്വാസം മുട്ടിച്ചു കൊന്ന ശേഷം കുളിമുറിയിൽ പൈപ്പിന്റെ ചുവട്ടിൽ കിടത്തിയിരുന്ന നിലയിലായിരുന്നു ശവശരീരം. ഒരു ലൈംഗിക തൊഴിലാളിയാണ് മരിച്ചതെന്ന് പെട്ടന്ന് കണ്ടെത്തിയ പോലീസ് കരുതിയത് വളരെ പെട്ടന്ന് തന്നെ കൊലയാളിയേയും കണ്ടെത്താം എന്നാണ്. എന്നാൽ അവരെ പറ്റിയുള്ള വിവരങ്ങൾ അന്വേഷിച്ചറിഞ്ഞ പൊലീസിന് കൊലപാതകിയെ പറ്റി അറിയാൻ സാധിച്ചത് 'ഷിജു, പാറയിൽ വീട്, നീണ്ടകര' എന്നത് മാത്രമായിരുന്നു. യാതൊരു സമ്മർദ്ദവുമില്ലാതിരുന്നിട്ടും ഈ കേസ് അവൻസാനിപ്പിക്കാൻ തയ്യാറാകാത്ത എസ് ഐ മനോജിനും കൂട്ടർക്കും പിന്നീടങ്ങോട്ട് അസ്വസ്ഥതകളുടെ ദിവസങ്ങളായിരുന്നു. ലോഡ്ജുകാരൻ മാത്രം കണ്ടിട്ടുള്ള ഈ കൊലപാതകിയെ പറ്റിയുള്ള ഓരോ വിവരങ്ങളും പിന്തുടർന്ന് എത്തുന്ന പൊലീസിന് ഒരിക്കലും കൊലയാളിയെ കണ്ടെത്താനാകുന്നില്ല. കുറ്റവാളിയിലേക്ക് എത്താനുള്ള വഴികൾ ഓരോന്നായി അന്വേഷണ ഉദ്യോഗസ്ഥർക്കു മുന്നിൽ തുറക്കപ്പെടുമ്പോഴും കുറ്റവാളി അവർക്കു മുന്നിലൂടെ സ്വൈരവിഹാരം നടത്തുന്നു. പിടിക്കപ്പെടുമെന്നു തോന്നുന്ന നിമിഷത്തിൽ അയാൾ വഴുതി പോകുന്നു. പക്ഷെ അന്ന് സ്റ്റേഷനിലെത്തിയ ബസിലെ മാല മോഷണ കേസിൽ നിന്ന് ലഭിച്ച ആ തുമ്പ് അവരെ ഞെട്ടിച്ചു. കൊറിയൻ ഇംഗ്ളീഷ് സീരീസുകളോട് കിടപിടിക്കാനില്ലെങ്കിലും മലയാളത്തിലെ ആദ്യ വെബ് സീരീസ് ആയ കേരള ക്രൈം ഫയൽസിൽ കഥാപാത്രങ്ങളെയും കഥാസന്ദർഭങ്ങളെയും ഏറ്റവും വിശ്വസീനയമായും റിയലസ്റ്റിക്കായും സംവിധായകൻ സ്ക്രീനിലേക്ക് പകർത്തിവയ്ക്കുന്നുണ്ട്. പൊലീസ് സ്റ്റേഷനിലെ ഫോൺ റിങ് ചെയ്യുന്നിടത്ത് നിന്ന് കൂടുതൽ ഉദ്വേഗവും ആവേശകരവുമായ മറ്റൊരു കേസ് അന്വേഷണവുമായി കേരള ക്രൈം ഫയൽസിന്റെ രണ്ടാം സീസൺ ഉണ്ടാകുമെന്ന സൂചന നൽകി ആദ്യ സീസൺ അവസാനിക്കുന്നു. . Follow Malayalis Near Me for more reviews! 🌐 . https://www.instagram.com/malayalisnearme.ca/. . . #keralacrimefiles #malayalamwebseries #keralacrimefileswebsries #webseries #keralacrimefilesreview #webseriesreview #moviereviews #malayalammovies #malayalammoviereview #MalayalamEntertainer #newmalayalammovie #canadianmalayali #newmovie #malayalisnearme #malayalisnearmeapp #mnm #review