🎞️𝐌𝐨𝐯𝐢𝐞 𝐑𝐞𝐯𝐢𝐞𝐰🍿
𝐑𝐨𝐫𝐬𝐜𝐡𝐚𝐜𝐡 (𝟐𝟎𝟐𝟐- 𝐌𝐚𝐥𝐚𝐲𝐚𝐥𝐚𝐦)
𝐈𝐌𝐃𝐛 𝟖.𝟗/𝟏𝟎⭐
𝐌𝐍𝐌 𝐫𝐚𝐭𝐢𝐧𝐠 𝟖.𝟑/𝟏𝟎
റോഷാക്ക്: ഇത് വരെ നമ്മൾ കേട്ടിട്ടില്ലാത്ത ഈ വാക്കിന്റെ അർഥം ഈ സിനിമ ഇറങ്ങും വരെ മനഃശാസ്ത്ര വിദ്യാർത്ഥികൾക്കും വിദഗ്ദ്ധർക്കും മാത്രമായിരുന്നു അറിയാമായിരുന്നത്.
ചാറ്റൽ മഴ പെയ്യുന്ന ഒരു രാത്രി ലൂക്ക് ആന്റണി പോലീസ് സ്റ്റേഷനിലേക്ക് നടന്നു വരുന്നതാണ് സിനിമയുടെ തുടക്കം. ഭാര്യയ്ക്കൊപ്പം കേരളത്തിൽ അവധിക്കു വന്നതാണ് എൻആർഐ ആയ ലൂക്ക് ആന്റണി. കാടിനോടു ചേര്ന്നുളള മലയിലേക്കുള്ള യാത്രയ്ക്കിടെ എവിടെയോ വച്ച് കാർ അപകടത്തിൽപെടുന്നു. അബോധാവസ്ഥയിലായ ലൂക്ക് കണ്ണു തുറക്കുമ്പോൾ ഭാര്യയെ കാണുന്നില്ല. പൊലീസുകാരും നാട്ടുകാരും ചേർന്ന് അവിടെ മുഴുവൻ അരിച്ചുപെറുക്കിയെങ്കിലും അവരെ കണ്ടെത്താനായില്ല. കുറച്ചു ദിവസങ്ങൾ കൂടി ലൂക്കിനൊപ്പം ആളുകൾ അന്വേഷിക്കാൻ കൂടി. പിന്നീട് പതിയെ എല്ലാവരും പ്രതീക്ഷ കൈവിട്ടു. എന്നാൽ ലൂക്കിന് ആ അന്വേഷണം അവസാനിപ്പിക്കാൻ കഴിയുന്നില്ല. ദിവസങ്ങൾ മാസങ്ങളായിട്ടും ലൂക്ക് അവിടം വിടാൻ ഒരുക്കമായിരുന്നില്ല.
കണ്ടു പരിചയിച്ച പ്രതികാര കഥയാണെങ്കിലും ട്വിസ്റ്റുകളിൽ നിന്ന് കഥ പറയുന്ന 'നറേഷൻ' ആണ് റോഷാക്കിനെ വ്യത്യസ്തമാക്കുന്നത്. കൊറിയൻ ഡ്രാമകളിലും ഹോളിവുഡ് സ്ലോ പേസ് ത്രില്ലറുകളിലുമൊക്ക കണ്ടിട്ടുള്ള തരം ഇന്റൻസ് രംഗങ്ങൾ പ്രേക്ഷകനെ അസ്വസ്ഥനാക്കും. സൈക്കളോജിക്കൽ റിവഞ്ച് ത്രില്ലറെന്നോ പാരാനോർമൽ സൂപ്പർ നാച്ചുറൽ ത്രില്ലറെന്നോ ഒക്കെ ഈ ചിത്രത്തെ വിശേഷിപ്പിക്കാം.
പേടി തോന്നും വിധത്തിലുള്ള അപരിചിതത്വം നിറഞ്ഞ ലൂക്ക് ആന്റണിയായി പുതിയൊരു മമ്മൂട്ടിയെ റോഷാക്കിൽ കാണാം. ലൂക്കിന്റെ ഈ മാനസികാവസ്ഥക്കു കാരണം 'വൈറ്റ് റൂം ടോർച്ചറിങ്' ആണെന്ന് കഥയിൽ നിന്ന് മനസിലാക്കാം. ശിക്ഷ അനുഭവിക്കുന്നയാളുടെ മനസ്സിനെയും സ്വഭാവത്തെയും ആഴത്തിൽ ബാധിക്കുന്ന ശിക്ഷാരീതിയാണിത്. കാണുന്നവരിൽ ഭയം ജനിപ്പിക്കുന്ന ഒരു നിസ്സഹായത നിറഞ്ഞ ഒരു അഭിനയം കാഴ്ച വെച്ച ബിന്ദു പണിക്കരാണ് മറ്റൊരു താരം. നമ്മളെ ഇത് വരെ ചിരിപ്പിച്ച പല താരങ്ങളും നമ്മളെ ഞെട്ടിക്കുന്ന പ്രകടനം തന്നെയാണ് കാഴ്ചവെച്ചിരിക്കുന്നത്.
എടുത്ത് പറയേണ്ട മറ്റൊന്നാണ് സിനിമയുടെ ബിജിഎം. കണ്ണടച്ചു കേട്ടാൽ ഏതോ ഹോളിവുഡ് സിനിമ കാണാൻ ഇരുന്ന ഒരു ഫീൽ കിട്ടും. ചില സീനുകൾ എടുത്തിരിക്കുന്നത് കഥയോട് പൂർണ്ണമായും ചേരുന്ന നിൽക്കുന്ന വിഷ്വൽ ഫ്രയിമുകളായാണ്. സംവിധായകനായ നിസാം ബഷീർ വലിയ കയ്യടി അർഹിക്കുന്നു. സംവിധാനത്തിൽ അങ്ങേയറ്റത്തെ സൂക്ഷ്മത അദ്ദേഹംകാത്തു സൂക്ഷിച്ചിട്ടുണ്ട്. ഇത്തരത്തിൽ ഒരു ചിത്രം നിർമിക്കാൻ ധൈര്യം കാണിച്ച മമ്മൂട്ടി എന്ന നിർമാതാവിനും അഭിനന്ദനം.
.
Follow on the Malayalis Near Me social media app! 🌐
.
👉Download the Malayalis Near Me social media app! ✅
onelink.to/8ebmga
.
.
.
#rorschach #rorschachmovie #rorschach #mammootty #mammookka #megastar #rorschachreview #moviereviews #MalayalamMovie #Malayalammoviereview #MalayalamEntertainer #rorschachmoviereview #newmalayalammovie #canadianmalayali #newmovie #malayalisnearme #malayalisnearmeapp #mnm
Liked by Arun v and 4 others
803 Views